Video
Read full review
2021-02-18
141 views
將軍澳特色餐廳｜即製pizza｜Donki隔離🌟｜鄰近海濱🏖️｜假日聚餐好去處今日就去咗將軍澳一間餐廳，主打即製pizza同埋多款特色食品✨Signature Piggie (M size) $198招牌鬼馬「豬」意薄餅🍕入面有招牌手撕豬手🍖，意大利香草肉腸🥓、辣肉腸、火腿、烤燈籠椒、紅洋蔥、水牛芝士、番茄醬🍅一見到咁多料就知道非常足料，足料嘅Pizza仲要係即製嘅真係好難唔好食😝 最特別嘅係佢加咗手撕豬手，比起一般Pizza嘅加工肉唔同。令到呢款Pizza酸甜得來帶少少鹹香。而且佢嘅皮好薄，比較軟身，撈埋啲芝士一齊食真係好滿足。而且呢一個中型嘅薄餅份量都唔細，二至三人食都可以😝Grilled Pork Tomahawk $248🥩呢款烤斧頭豬扒非常Juicy，食落有好多肉汁。😍而且佢嘅份量非常大，係一個非常厚肉嘅豬扒。豬味唔算非常濃，如果有多少少調味就更加好。所以小編就特別鍾意佢嘅芥末忌廉汁，😙😙唔會泰勒帶少少酸酸甜甜，配埋個豬扒可以解油膩而且令到個味道更加有層次。😁仲有最鍾意嘅係佢嘅香脆砸薯🥔，呢款肉薯好好味，個皮整得好脆，但食落一啲都唔油膩，比起普通薯蓉薯條更加健康🍟Tiramis
今日就去咗將軍澳一間餐廳，主打即製pizza同埋多款特色食品✨
Signature Piggie (M size) $198
招牌鬼馬「豬」意薄餅🍕
入面有招牌手撕豬手🍖，意大利香草肉腸🥓、辣肉腸、火腿、烤燈籠椒、紅洋蔥、水牛芝士、番茄醬🍅
一見到咁多料就知道非常足料，足料嘅Pizza仲要係即製嘅真係好難唔好食😝 最特別嘅係佢加咗手撕豬手，比起一般Pizza嘅加工肉唔同。令到呢款Pizza酸甜得來帶少少鹹香。而且佢嘅皮好薄，比較軟身，撈埋啲芝士一齊食真係好滿足。而且呢一個中型嘅薄餅份量都唔細，二至三人食都可以😝
Grilled Pork Tomahawk $248🥩
呢款烤斧頭豬扒非常Juicy，食落有好多肉汁。😍而且佢嘅份量非常大，係一個非常厚肉嘅豬扒。豬味唔算非常濃，如果有多少少調味就更加好。所以小編就特別鍾意佢嘅芥末忌廉汁，😙😙唔會泰勒帶少少酸酸甜甜，配埋個豬扒可以解油膩而且令到個味道更加有層次。😁仲有最鍾意嘅係佢嘅香脆砸薯🥔，呢款肉薯好好味，個皮整得好脆，但食落一啲都唔油膩，比起普通薯蓉薯條更加健康🍟
Tiramisu $88
呢款意大利芝士蛋糕比起想像中有驚喜😱， cheese嘅味道好濃厚，而且佢嘅顏色亦都比平時食嘅偏黃少少。💛食落好creamy，帶少少酒香味。唔會太甜，亦都唔會黏着喉嚨嗰種。不過如果可以再大夠少少就更加好啦🤗🤗
Oreo Madness （小編推薦） $72🌟🌟
呢款係Oreo曲奇朱古力忌廉奶昔，老實講就係你想像中嘅味道。唔算太甜， Oreo碎有好多，如果你係Oreo嘅粉絲一定唔可以錯過呢一杯，因為佢可以呈現到Oreo最好嘅一面俾你😘😘
Tango $62🍹
如果你鍾意飲一啲比較清新小小嘅，呢一杯就啱晒你啦，入面有柚子茶紅莓菠蘿汁，士多啤梨🍓，飲落整體感覺比較清爽酸甜，唔會係藥水味嗰種，所以可以放心叫🤣
餐廳環境方面，成間餐廳嘅裝修佈置都非常優美，枱與枱之間都有適量嘅空間，坐落都比較舒服嘅。如果你鍾意望少少街景嘅，就可以坐靠住街邊嘅三張卡位，你就可以望到街景同埋帶埋狗仔一齊坐🐶
員工方面，呢一間餐廳都算係比較旺嗰一種，需要排隊入座，員工嘅人手尚算充足，冇漏單追單嘅情況。而且佢哋嘅態度都好友善，
總括而言，如果假日想去海濱散吓心食吓飯嘅話，呢一間Cafe都算係一個好嘅選擇，因為佢包括好多種嘅食物，例如pizza🍕,意粉，主菜，沙律🥗甜品🍮，小食，酒類飲品等等，總有一款係啱你嘅選擇。而且佢坐得幾舒服，最重要嘅係佢鄰近Donki，食完就可以過埋Donki行街啦🤪值得一試👍🏻
Signature Piggie Pizza (M)
$198
5 views
0 likes
0 comments
烤豬斧頭扒
$248
7 views
0 likes
0 comments
TIRAMISU
$88
16 views
0 likes
0 comments
Oreo Madness
$72
9 views
0 likes
0 comments
Tango
$62
16 views
0 likes
0 comments
Post
