Video
Read full review
2023-05-19
37 views
放假瞓晏咗，趕唔切食早餐，唯有去屋企附近睇吓有咩靚lunch食，落雨濕濕都唔想去太遠。將軍澳海邊一向都有好多唔同嘅餐廳，今次揀咗海天晉匯呢邊嘅日本嘢。望過lunch Menu價錢都幾公道， 平均100元內就有交易，仲包杯靚靚咖啡，餐廳中間仲有張波枱，電視會播足球，夜晚想同friend飲杯嘢睇波，下次會有選擇。◾︎蒲燒鰻魚拼豚肉生薑燒 $108◾︎親子丼 $68嗌咗兩個主食，親子丼價錢唔貴，$68就有沙律🥗湯，仲要包杯嘢飲，選擇都OK，咖啡之外，仲可以揀果汁。親子丼其實唔難整，不過要整得好食都唔係咁易，雞蛋嘅味道好好，有日式醬油同味醂嘅味道，而家肉都好嫩滑。蒲燒鰻魚，肉質柔軟，有少少焦香，望落份量唔算好多，但係另外加埋生薑燒其實好飽。生薑燒嘅豬肉，好有咬口，薑味都好濃。◾︎追加 免治雞肉棒 ◾︎追加 吉列炸蝦 ◾︎牛舌心 ◾︎青椒墨魚燒餐廳嘅串燒表現唔錯，上枱嘅時候係熱辣辣嘅，雞肉棒唔會過散或硬，牛舌心爽口，墨魚燒出邊就少見，煎釀三寶係level up版。◾︎蟹籽沙律 ◾︎椰子雪糕 酒吧嚟講，佢嘅甜品選擇都好多，有幾個雪葩 炸年糕，炸香蕉，仲要有奶黃鯛魚燒，最尾嗌咗椰子雪糕，原個椰子上枱，打卡都已經攞滿
放假瞓晏咗，趕唔切食早餐，唯有去屋企附近睇吓有咩靚lunch食，落雨濕濕都唔想去太遠。
將軍澳海邊一向都有好多唔同嘅餐廳，今次揀咗海天晉匯呢邊嘅日本嘢。望過lunch Menu價錢都幾公道， 平均100元內就有交易，仲包杯靚靚咖啡，餐廳中間仲有張波枱，電視會播足球，夜晚想同friend飲杯嘢睇波，下次會有選擇。
◾︎蒲燒鰻魚拼豚肉生薑燒 $108
◾︎親子丼 $68
嗌咗兩個主食，親子丼價錢唔貴，$68就有沙律🥗湯，仲要包杯嘢飲，選擇都OK，咖啡之外，仲可以揀果汁。親子丼其實唔難整，不過要整得好食都唔係咁易，雞蛋嘅味道好好，有日式醬油同味醂嘅味道，而家肉都好嫩滑。
蒲燒鰻魚，肉質柔軟，有少少焦香，望落份量唔算好多，但係另外加埋生薑燒其實好飽。生薑燒嘅豬肉，好有咬口，薑味都好濃。
◾︎追加 免治雞肉棒
◾︎追加 吉列炸蝦
◾︎牛舌心
◾︎青椒墨魚燒
餐廳嘅串燒表現唔錯，上枱嘅時候係熱辣辣嘅，雞肉棒唔會過散或硬，牛舌心爽口，墨魚燒出邊就少見，煎釀三寶係level up版。
◾︎蟹籽沙律
◾︎椰子雪糕
酒吧嚟講，佢嘅甜品選擇都好多，有幾個雪葩 炸年糕，炸香蕉，仲要有奶黃鯛魚燒，最尾嗌咗椰子雪糕，原個椰子上枱，打卡都已經攞滿分。椰子味外，仲有好重嘅奶味，雪糕好濃好幼滑。
整體來講呢，價錢唔算話勁平，但係如果喺將軍澳同區，食到呢個質素嘅串燒，又可以飲下酒，仲要有得篤波睇波，真係唔係好多餐廳可以做到。
Post
