孖啡 (Closed)

今晚約埋朋友仔喺旺角食飯談心。Double Cafe空間寬闊，座位間有一定距離，最啱講下秘密，傾下心事。忌廉煙三文魚配天使麵 $108煙三文魚卷成玫瑰花🌹咁，賣相不錯，而且有5-6塊，份量十足。忌廉汁夠濃郁。天使麵係義大利麵中最幼細的麵，幼細的麵條好適合讓忌廉汁黏著，醬汁散佈在麵條之間，質感細緻柔軟。談心當然要配小食，特式拼盤 $78 (雞翼、薯角、春卷、咖哩角、魚手指、蟹子魚蛋)樣樣都有啲，全部都係即叫即炸，脆卜卜的。晚餐包一杯$38飲品，補差價揀咗Yogurt drink -  芒果乳酪。酸酸甜甜的健康又滋味，整體的感覺像比較濃稠。跟餐加$28可以食埋個甜品 心太軟+雪糕焗的時間掌握得啱啱好。外層朱古力蛋糕焗到脆脆的，切開朱古力漿慢慢流出來，配埋冰凍的雲尼拿雪糕，好味道。