Video
Read full review
2020-10-19
383 views
👍🏾推薦程度：炸豬扒（排骨）同炸雲吞一定要嗌，配甜辣醬或者豆瓣醬都超正！！💰抵食程度：🍜🥟🍜🥟(4/5)兩個人去食，有麵、有小食、有嘢飲，人頭都係大概$50，食得飽個晏晝，可以。但淨係嗌一個炒麵嘅話，就唔抵喇。睇完「Kiki & May 隨意吃樂部」介紹，見喺港島就即刻拉埋桃子小姐去試。炸豬扒（排骨）嚟講師傅嘅心同力你係食得出嘅，而且食嘅同時你重會可以有聽覺上嘅享受，師傅會畀個beat你，因為我哋食緊嘅同時，佢已經揼緊之後嘅豬扒，呢個位係大加分！1️⃣馳名排骨麵🍖🍜($34)佢嘅排骨（雖然叫排骨，但佢係冇骨嘅，所以可以大啖咬唔驚咬爆牙！不過都建議細細啖食嘅，真係有骨都唔洗爆牙嘛！）首先係新鮮炸起，勁脆勁香口，再者佢個油份又偏低喎，食落罪惡感好低，啲肉汁係足以令你唔會覺得乾嘅。湯就偏清，不過蒜味好夠，同埋有蔥味咁，但好單調，可以話並冇為個豬扒加分！2️⃣排骨粗炒麵🍖🍝($45)一般嘅粗炒畀人嘅印象應該係油同鹹，但呢碟粗炒完全反轉，又唔油、又冇味，食落冇乜負擔。之但係如果落豆瓣醬又太鹹，搞到要淡茂茂咁食哂成碟，好彩有塊豬扒搭夠，唔係嘅話真係會變大嘥鬼。3️⃣酥炸雲吞🥟($16三隻)好好好好好好食！一定
💰抵食程度：🍜🥟🍜🥟(4/5)兩個人去食，有麵、有小食、有嘢飲，人頭都係大概$50，食得飽個晏晝，可以。但淨係嗌一個炒麵嘅話，就唔抵喇。
睇完「Kiki & May 隨意吃樂部」介紹，見喺港島就即刻拉埋桃子小姐去試。
炸豬扒（排骨）嚟講師傅嘅心同力你係食得出嘅，而且食嘅同時你重會可以有聽覺上嘅享受，師傅會畀個beat你，因為我哋食緊嘅同時，佢已經揼緊之後嘅豬扒，呢個位係大加分！
1️⃣馳名排骨麵🍖🍜($34)
佢嘅排骨（雖然叫排骨，但佢係冇骨嘅，所以可以大啖咬唔驚咬爆牙！不過都建議細細啖食嘅，真係有骨都唔洗爆牙嘛！）首先係新鮮炸起，勁脆勁香口，再者佢個油份又偏低喎，食落罪惡感好低，啲肉汁係足以令你唔會覺得乾嘅。
湯就偏清，不過蒜味好夠，同埋有蔥味咁，但好單調，可以話並冇為個豬扒加分！
馳名排骨麵🍖🍜
$34
11 views
1 likes
0 comments
2️⃣排骨粗炒麵🍖🍝($45)
一般嘅粗炒畀人嘅印象應該係油同鹹，但呢碟粗炒完全反轉，又唔油、又冇味，食落冇乜負擔。之但係如果落豆瓣醬又太鹹，搞到要淡茂茂咁食哂成碟，好彩有塊豬扒搭夠，唔係嘅話真係會變大嘥鬼。
排骨粗炒麵🍖🍝
$45
16 views
1 likes
0 comments
3️⃣酥炸雲吞🥟($16三隻)
好好好好好好食！一定要嗌，真係好好食。同豬扒一樣，又係勁脆勁香口，個皮好似食緊酥皮蛋撻咁，最緊要唔會成口油！
個餡好juicy，係可以令唔鍾意食炸雲吞嘅人愛上嘅程度嘅炸雲吞！
酥炸雲吞🥟(三隻)
$16
8 views
0 likes
0 comments
4️⃣豆漿同凍奶茶🥤🥤($12一杯，跟麵半價)
係好飲嘅新鮮豆漿同茶味夠又唔用澀嘅凍奶茶，唔特別著墨喺呢到喇。
豆漿同凍奶茶🥤🥤
$12
6 views
0 likes
0 comments
其實我覺得淨係叫個豬扒加炸雲吞配杯豆漿或者奶茶就夠，手足們唔好等，GOGOGO!
Post
