B.Duck & Buffy 德記茶樓 (Closed)

大家仲記得多年前係尖沙咀碼頭嘅黃鴨仔嗎? E+係油麻地B Duck & Buffy 德記茶樓出沒，茶樓每一各落，每件餐具 甚至紙巾都印有B Duck & Buffy Trademark ，係鐵粉潮聖嘅地方。茶樓主打廣東點心， 為了保持點心水準，都係即叫即做，所以茶客要耐心等候十至十五分鐘。必食之選有蝦餃，珍珠雞，山竹牛肉鳳爪排骨飯， 流心奶黃包及春卷等等....點心一到，每枱茶客都5係第一時間起筷，而是相机食先， 每籠點心 都印有鴨仔頭，非常可愛， 當然要影相留念吓先。 點心用料上乘非常新鮮，尤其是係流心奶黃包， 熱辣辣， 小心奶黃餡料燙咀，G味冇窮。珍珠雞也落足材料。鳳爪排骨飯份量十足， 加埋秘製甜豉油 ， 真係意想不到 ，味道不錯。仲有脆卜卜嘅春捲，外面脆卜卜春捲包住超弹牙蝦肉，材料滿瀉， 值得推介。未到晚上八點，都人山人海，不論大人細路都 慕名而來德記茶樓。