武士拉麵 (Closed)

今晚我同我個妹去咗九龍灣九展食拉麵，拉麵店喺九展2樓，要穿過百佳先至去到，感覺神秘。我叫咗個豐神將軍拉麵，有試過四國香蔥油湯底。有半隻溫泉蛋，香蔥油湯底濃度適中，拉麵軟硬度亦都適中，加上日本嘅叉燒，感覺好似帶咗我去日本咁。我個妹叫咗個足利將軍拉麵，配黑蒜油豬骨湯底，見到佢嗰碗拉麵，我有少少貪心想試埋。我哋仲叫咗小食唐掦炸雞，外面香脆，入面嘅雞肉柔嫩。再加一個忌廉蟹肉薯餅，忌廉蟹肉好似一路食一路流出嚟咁。再加多兩杯武士蜜蜜飲，一個柚子味一個柑桔味。我覺得食物質素出奇咁高，雖然地理位置比較遠，但去開九龍灣，絕對可以去食下。