Joia

Open Now

Now Closed

今日book左呢間係九龍站商場Elements平台嘅西餐廳，格調好高級，坐得好舒服，枱同枱都有距離，食得好安心。我哋揀左四樣野食，叫完好快就有個麵包籃上枱，入面有三款包，熱辣辣，仲有黑醋同橄欖油點，個包好軟熟好好食。我哋分別叫左一個Signature Salad, 手掣布拉塔芝士雲吞配車厘茄，意式辣肉腸黑椒橄欖芝士薄餅同五成熟嘅西冷牛扒配車厘茄。個雲吞上枱先，個賣相幾吸精，仲有車厘茄做配菜，食落好重芝士味，雲吞都好新鮮，好食。之後個沙律上枱，上面好成十片雞胸片，都有燒過熱辣辣上枱，食落好香口，而啲火箭菜份量好足，做前菜啱晒。兩個主菜就一齊上枱，塊牛扒比想像中厚好多，而pizza就比想像中大好多。牛扒質素好高，切開啱啱五成，食落好軟身，好有牛味，而啲車厘茄都好juicy。另外個pizza就好重芝士味，辣肉腸真係好辣，個餅皮都唔錯。食下傾下計就一晚，好enjoy！