Pivo Czech Bar (Closed)

大鄉里而家先知道原來Chanel 旁邊有扶手電梯，可以上去Elements頂層，該處設有多間有露天座位既Bar & Restaurant! 當晚係星期四大概6:30pm，平日人流都不少，今次揀左PIVO 因為無嘜人，可以靜靜地食嘢傾計。🔸Roasted Beet Salad 紅菜頭香橙沙律 $148沙律份量都算多，味道無咩特別，食到一舊橙好酸。🔸Linguine. Mushroom 黑蒜羊肚菌忌廉汁扁意粉 $168羊肚菌份量較少，其他雜菇搭配，意粉軟硬度適中，醬汁略帶甜味，撈埋炸蒜一齊食，又幾好味喎！😋🔸Roasted Pork Knuckle 捷克特色烤豬手 $318捷克豬手有別於德國豬手，前者特色在於外層皮口感Q彈，充滿膠原，而非後者既脆卜卜外層。內裡肉質嫩，鹹香惹味，伴碟有酸白菜和芥末，搭配豬手一齊食，可增添風味亦有助減輕油膩感。