伙食工業 (Closed)

話說senior就推介呢一間台灣嘢食，對於喺火炭最盡頭嘅上班一族來講，呢一間算係近近地，但食物質素真係麻麻地。有得揀一定唔會揀佢先。實在唔太好食嘅關係，連賣相都麻麻地，所以我都冇心機影相。第一次食帶咗個南嶺豬扒飯，嗰時覺得個名幾得意就叫咗，後尾發現係炸豬扒入邊有流心芝士，呢個時候聽落都仲係好吸引，但係當個飯嚟咗之後，係極之失望。首先個豬扒好乾爭爭，啲芝士嚟到嘅時候已經唔夠留心同埋芝士份量唔夠多，豬扒好薄，加埋就好似唔係食緊流心芝士炸豬扒咁🥲然後我叫咗杯嘢飲係美祿恐龍，類似個咁嘅名，即係有啲美祿粉沖杯朱古力奶出嚟，我想講呢杯野係酸酸地。我已經分唔到係我嘅問題定係啲美祿粉嘅問題。第二次食叫咗個冇咁易中伏嘅嘢食，就係牛肉麵。點知都係瀨晒嘢，個牛肉應該係炆煮出嚟，會係好鬆軟，入口即溶，但係… …真係一言難盡，個牛肉係咬唔到咁嘅款，值得一讚嘅只係個湯底叫做還好。