漁獲浜燒 (Closed)

黎到尖沙咀搵野食，見到原來都有漁獲浜燒，上次去完銅鑼灣個間食過返尋味，二話不說即刻encore。原來呢度都開左5個月左右，裝修間隔都好有居酒屋feel, 同銅鑼灣個間差唔多。今次打算試下佢既熟食，叫左幾樣燒烤同煮物。酒係居酒屋既重點，唔會少得. 叫返支赤武慢慢品嚐。燒烤叫左燒活帆立貝同燒龍蝦🦞。帆立貝本身有成隻手掌大，睇到都開胃😍😍。佢哋用香草牛油加醫油燒，燒左大約10分鐘，非常入味。另外原隻龍蝦師父好有心機剪走唔要既位置，然後原隻燒，加試用左蟹糕去調味，真係真係好正👍🏼！然後我地叫左汁煮喜之次。以前喜之次刺身就食得多，見過電視推介汁煮，所以叫黎試下，點知一食停唔到口，完成係今晚既favourite. 明明已經叫左飯，都要叫多碗白飯送汁，簡直冇得頂😋😋最後黎埋原隻毛蟹蟹釜飯。呢個飯有原飯毛蟹加上汁煮飯，蟹有鮮味，飯又有汁煮香味，非常配合！平時好難得有機會試到呢d食物！甜品就叫左椰子雪糕🥥同袖子雪芭，唔算好甜，質感比一般餐廳甜品好，如果唔係太飽大家都可以試下👍🏼