Video
Read full review
2018-07-22
30 views
女人除咗鐘意手袋之外嘅包包,都會鍾意食漢堡包嘅包包❤ 我都係女人所以我都唔例外成三四點都咁多人 !!!證明食物質素有保證,坐得都幾舒服方便傾計餐牌上面選擇都唔少😂就咁漢堡都有成十幾種 但係好可惜我朝早已經食咗嘢,下晝就冇胃口食啲咁heavy嘅嘢❤所以靈機一觸,就叫咗個素食漢堡!除咗可以食到招牌嘅漢堡之外仲可以清新啲有少少失望想叫迷你漢堡,冇得食,而且菠蘿梳打都冇得買 可能係生意太好一早賣曬喇 唯有下次再食過!環境 幾chill, 吸引咗唔少外國食客幫襯本身想叫職員俾茄汁我,用嚟點薯條,但食食下發現都唔需要喇因為個包每一啖每一種材料都好夠味! 麵包甜甜芝麻香脆, 好出位!大啡菇芝士紅茄汁三樣嘢係夾埋一齊,一切開好多汁!食到大啡菇嘅原汁原味 我第一次食到紫椰菜同埋千島醬嘅配搭 感覺好新鮮,好爽脆😍😍😍 一啲油嘅感覺都冇,調味相當恰到好處!伴碟嘅薯條都唔差, 記唔會太油膩而且亦都唔會好咸 !唔需要點茄汁都好好食!從小小細節可以見到餐廳有心思!因為包住漢堡包嘅紙唔會容易爛,就算熟咗好多汁都唔會爛,證明係細心挑選過!藍色海洋檸檬水 $78士多啤梨莫吉托梳打 $48飲品方面都唔輸蝕, 雖然飲唔到菠
成三四點都咁多人 !!!證明食物質素有保證,坐得都幾舒服方便傾計
餐牌上面選擇都唔少😂就咁漢堡都有成十幾種 但係好可惜我朝早已經食咗嘢,下晝就冇胃口食啲咁heavy嘅嘢❤
所以靈機一觸,就叫咗個素食漢堡!除咗可以食到招牌嘅漢堡之外仲可以清新啲
有少少失望想叫迷你漢堡,冇得食,而且菠蘿梳打都冇得買 可能係生意太好一早賣曬喇 唯有下次再食過!
環境 幾chill, 吸引咗唔少外國食客幫襯
本身想叫職員俾茄汁我,用嚟點薯條,但食食下發現都唔需要喇因為個包每一啖每一種材料都好夠味! 麵包甜甜芝麻香脆, 好出位!
大啡菇芝士紅茄汁三樣嘢係夾埋一齊,一切開好多汁!食到大啡菇嘅原汁原味 我第一次食到紫椰菜同埋千島醬嘅配搭 感覺好新鮮,好爽脆😍😍😍 一啲油嘅感覺都冇,調味相當恰到好處!
伴碟嘅薯條都唔差, 記唔會太油膩而且亦都唔會好咸 !唔需要點茄汁都好好食!
從小小細節可以見到餐廳有心思!因為包住漢堡包嘅紙唔會容易爛,就算熟咗好多汁都唔會爛,證明係細心挑選過!
藍色海洋檸檬水 $78
士多啤梨莫吉托梳打 $48
飲品方面都唔輸蝕, 雖然飲唔到菠蘿梳打,呢一杯嘢飲要成78蚊,但係都物超所值!淨係賣相,for影相已經值曬
望落去真係好有海洋嘅感覺完全冇改錯名 都好清新唔覺得太甜 !!!唯一要提醒大家嘅就係飲之前真係要好好攪拌個底,因為唔攪拌就會一口飲曬啲糖漿 ,上圖深色地方就係啲糖漿黎啦
但係我朋友飲嗰杯,佢自己覺得就唔太有心機,因為飲落係好重七喜味,冇咩太大特別! 唯一值得一提係,飲品好大部分都可以加酒精 大家唔使等到夜晚都可以把酒談歡呀
鱈魚子蝦肉蛋黃醬意粉
我明白職員食飯時間係非常之緊要, 但都應該處理客人要求。 溫馨提示以及小小建議, 樓面同事運作可以安排得好啲
最後係午餐嘅意粉,都非常creamy! 食落好重蛋味我都幾欣賞因為本人係好鍾意食雞蛋!!! 而且加十蚊仲可以加沙律或其他食品都算係非常超值! 麵條彈牙, 不容易糊口
用午餐呢一個價錢食到呢個質素嘅食物都係好抵!
Post
