樂園素食

Open Now

Now Closed

素食自助餐真係好吸引，可以揀自己鍾意食嘅，呢間已經食過幾次，環境幾靚，坐得舒服，座位都多。是日平日預先訂了座位，19:30，七位。平日人流唔算多。當齊人後，會送上冰鎮咕嚕肉及原盅燉湯，兩樣都好正。🌀頭盤見到有沙律區，什錦刺身，壽司，雞絲粉皮，炸物等等，好多款選擇，無論味道或者賣相像真度都好高。🌀熱食有炒飯，炒麵，燒賣，雲吞，水煮牛，關東煮🍢，薄餅🍕，菜蔬，薑醋蛋等等，不能盡錄。所有食物都保持水準。🌀甜品有糕點，蛋糕，中式糖水。🌀飲品羅漢果茶，絡神花茶，豆漿，咖啡，亦有中式老火湯。款式多而且晚餐無限時值得加分，可以無限時下，可以慢慢食，慢慢傾，我哋係傾到最後一刻先去結帳。