劉興記生煎包專門店

Open Now

Now Closed

經過荃灣，又想食生煎包，決定再去劉興記。今次喊唔同既餐，試下唔同既味道。蟹皇生煎包蟹皇生煎包係鋪白芝麻，而招牌生煎包就係黑芝麻鋪面。用筷子刺入去蟹皇生煎包，湯汁慢慢留左出黎，非常吸引。生煎包餡料豐富，熱度啱啱好。為左唔好浪費湯汁，攤涼少少後，另一隻就慢慢咬落去吸曬湯汁後先再食，鮮味十足，香甜可口！招牌擔擔麵一上檯已經聞到好香既味道，有蝦米仔、花生粒同蔥鋪面，賣相不俗。麵條富蛋香又爽滑，湯底濃郁，食落去有口感豐富，先有芝麻醬味，繼而再有辣味。生炸雞排薄身皮脆，唔多炸粉，但略有少少乾身，冇咩肉汁，可能呢個就係炸物既弊處。但雞排配上配擔擔麵既湯汁卻又夾。豆漿絲滑，有濃郁豆香味！雖然冇無糖選擇，但都唔會好甜，健康之選。