Video
Read full review
2016-05-10
300 views
星期日黎圓方, 阿媽話想食上海野, 見呢間個樣都幾好就試下. 等左大概20分鐘. 雖然檯同檯距離近, 但都算坐得舒服. 入去坐低聽到右邊隔離檯個女人同老公話: “呢間野d 人好無禮貌囉!” 跟住見到張檯, 嘩~ 落雨黎呀? 濕到連張墊檯紙都爛埋!前菜4小碟: 烤麩較硬, 醉雞唔入味, 馬蘭頭比較好但算普通貨色, 黑木耳OK.小籠包: d豬肉蘇的!!!!!!!!!!!上海粗抄: 味道冇乜野, 油都預左, 但估唔到個麵差成咁, 麵身好粉, 結果食晒d菜同冬菇算.食到一半突然聽到隔離澎澎聲, 見到個waiter嚮隔離擺餐具, 專登(係專登)超大力響檯棟齊d筷子. 左邊檯的人都望晒過去睇下發生乜事, 個waiter繼續掟. 成杯斟左的茶大力放響檯, 我幾驚佢整爆隻杯!個癲的waiter走開左我叫個帶位的靚姐姐過黎, 我問佢佢同事係咪癡左線, 解釋返頭先佢同事做乜黎. 點知我都未講完右邊隔離檯個女人已經要爆, 加埋把口話做服務唔可以咁. 靚姐話可能因為佢之前比出面個阿伯激親, 咁當然係要我講一次 “咁關我乜野事呢?” 靚姐姐走左後見到個癲的waiter係咁笑笑口. 右邊隔離檯個女人都仲係好慶,
前菜4小碟: 烤麩較硬, 醉雞唔入味, 馬蘭頭比較好但算普通貨色, 黑木耳OK.
小籠包: d豬肉蘇的!!!!!!!!!!!
上海粗抄: 味道冇乜野, 油都預左, 但估唔到個麵差成咁, 麵身好粉, 結果食晒d菜同冬菇算.
食到一半突然聽到隔離澎澎聲, 見到個waiter嚮隔離擺餐具, 專登(係專登)超大力響檯棟齊d筷子. 左邊檯的人都望晒過去睇下發生乜事, 個waiter繼續掟. 成杯斟左的茶大力放響檯, 我幾驚佢整爆隻杯!
個癲的waiter走開左我叫個帶位的靚姐姐過黎, 我問佢佢同事係咪癡左線, 解釋返頭先佢同事做乜黎. 點知我都未講完右邊隔離檯個女人已經要爆, 加埋把口話做服務唔可以咁. 靚姐話可能因為佢之前比出面個阿伯激親, 咁當然係要我講一次 “咁關我乜野事呢?”
靚姐姐走左後見到個癲的waiter係咁笑笑口. 右邊隔離檯個女人都仲係好慶, 係咁話一睇個waiter就知佢不知悔改(雖然我同意)...
總結: 有一個發癲的waiter基本上唔會令我唔返黎. 但d野又唔好食… 咁好明顯…
Post