齋啡 (Closed)

今次嚟嘅呢間Cafe標榜全店純素，所有食物都不含肉類，蛋類，牛奶，而咖啡就係用燕麥奶沖成，好健康，Cafe以木系裝修風格，仲有啲乾花同綠色仿植物裝飾，幾靚半開放式設計，雖然對住馬路，但位置都比較偏靜所以大致上都坐得舒服和諧。佢地係分左右兩邊舖頭，所以落單同座位係分開嘅。我哋order咗啲主食，甜品同咖啡牛油果魚生沙律配酸種麵包-賣相相當吸引，排得好靚，同埋都幾足料同豐富，裏面有牛油果，沙律菜，三文魚粒，吞拿魚粒，魷魚刺身片，蕃茄仔同中華沙律，配埋帶有柚子味嘅沙律醬一齊食，食材好新鮮而且配搭好清新，又健康又好味素芝士植物豬柳墨西哥卷配沙律及番薯脆條，裏面包着大量生菜紅蘿蔔條同蕃茄片，好大條wrap，植物豬柳同真豬柳幾乎味道一樣，配埋素芝士一齊食帶點煙熏味道好香口純素紅絲絨蛋糕賣相好靚❤️蛋糕味道偏甜，而且食到淡淡的朱古力味，口感比較紮實，同忌廉好企身同有層次感，淨係上味道都唔錯抹茶蕨餅嘅抹茶味道濃郁，咬落煙靭，側邊從旁有啲紅豆蓉增強味道同口感總括而言，無論環境，理念，食物都唔錯，同埋以素嚟講佢算整得幾好食，會再支持