火間土 (Closed)

下午一點，book 左一行十人到火間土午餐，被安排到window seat 。雖然好多人，但都坐得好鬆動。呢道既午市定食好多選擇，價錢$70-130不等。 我點了一個牛排壽司定食，有牛扒、五件壽司、一碗麵豉湯同埋沙律。 牛扒上面灑左黑椒汁、蔥同埋蒜片同配左椰菜、薯角同三色椒，牛扒好淋，雖然冇問煎到幾成熟，但上菜時見到煮到大概五成熟左右，唔會好un，而且已經切開左一件件，方便客人食用。配菜亦都煮得好入味，吸哂牛肉汁。 壽司有三文魚、海膽、吞拿魚、𩶘魚同埋甘蝦。三文魚同甘蝦都普通，冇乜特別；海膽好新鮮，完全冇怪味，有驚喜；吞拿魚既色好深紅，一睇就知都係好新鮮，肉都夠厚實；𩶘魚又係好有咬口，好有鮮魚味。 沙律淋左沙律醬醋，酸酸地好開胃。麵豉湯有昆布同豆腐粒，唔會好咸，最怕就係個d 好咸的麵豉湯。