Video
Read full review
2006-08-08
7 views
又係我!上星期三去過Little Italy食完一餐對chopped salad同黑醋難以忘懷, 加上又久聞Fat Angelo's遠比Little Italy出色於是就去左SOHO 0既Fat Angelo's 一早十一點就訂定檯，驚死好似A Little Italy咁要等位！好在去到時即昤有位，不過佢竟然俾左張近cashier 0既4人檯我同我妹！0下?!檯呢樣野，唔係大就好架ma！位置好緊要。見佢奚唔係爆場,我地就要求換過張window sitting好在佢都肯！佢唔肯我都一於唔肯！都唔可以話佢service唔好， 只可以話佢地唔夠以客為本0者！好！點菜。之前聽過呢度０的set lunch好大份main dish 之外,salad 同包任食,又包餐飲同甜品收你$88, 比起之前$72 要加$26至有甜品, 抵0的!本身有想過2個人share一個set lunch不過見佢0的main dish好似好正咁, 都係試夠兩個啦!傳聞原來屬實。個包好正! 熱辣辣外脆內軟,點埋令我呢排好掛住0既黑醋olive oil, little italy0個0的真係要行埋一邊!呢度黑醋olive oi
上星期三去過Little Italy食完一餐
對chopped salad同黑醋難以忘懷,
加上又久聞Fat Angelo's遠比Little Italy出色
於是就去左SOHO 0既Fat Angelo's
一早十一點就訂定檯，驚死好似A Little Italy咁要等位！
好在去到時即昤有位，不過佢竟然俾左張近cashier 0既4人檯我同我妹！
0下?!
檯呢樣野，唔係大就好架ma！位置好緊要。
見佢奚唔係爆場,
我地就要求換過張window sitting
好在佢都肯！佢唔肯我都一於唔肯！
都唔可以話佢service唔好，
只可以話佢地唔夠以客為本0者！
好！點菜。
之前聽過呢度０的set lunch好大份
main dish 之外,
salad 同包任食,又包餐飲同甜品
收你$88, 比起之前$72 要加$26至有甜品,
抵0的!
本身有想過2個人share一個set lunch
不過見佢0的main dish好似好正咁,
都係試夠兩個啦!
傳聞原來屬實。
個包好正! 熱辣辣外脆內軟,點埋令我呢排好掛住0既黑醋olive oil, little italy0個0的真係要行埋一邊!
呢度黑醋olive oil係自助的, 鍾意0既成支吹晒佢都得!
個包好大,即使食到停唔到口,但係食極都仲有。
想食又怕食到太飽影響main dish同甜品0既食慾
真係苦惱
個salad有洋蔥,番茄, 橄欖同生菜
olive oil同herbs 0既dressing酒上面,
此汁算是清淡,但香味卻濃烈,
比起醒胃但略嫌肥膩0既caesar 醬汁,
更勝一籌。
另外,個洋蔥真係非讚不可!
清甜多汁,不帶絲毫苦味辣味
連dressing一起食,真係絕配!
因此,even我地後來食完main dish 好飽
都要佢加多round salad!
我是三文魚的粉絲
於是叫了三文魚闊麵。
另外又點左個ribs, 唔想又係要bbq sauce 咁悶,
我地揀左honey mustard sauce
個闊麵唔算好creamy, 但0的香草汁0岩0岩好
加埋芝士粉, yummy!
三文魚不過不失, 大大件的都幾有口感。
之前以為個ribs係一排咁上
原來係short ribs 0黎0既
佢可能一心唔想0的客食到污糟
但見到斷開一節節,有0的失望
個ribs幾入味,不過稍欠咬口。
根在個sauce 好美味, 有少少芥辣0既攻鼻,
又帶蜜糖0既甜美
配ribs一流!
最後上甜品, tiramisu就要梗架啦
要意大利杏仁雪糕好呀,定chocolate cake好呢?
我地掙扎左一陣, 最後揀左chocolate cake
首先, 0的cake 真係唔細件
little italy 0既tiramisu 收你$78一件
呢度0既有佢一半咁大
味道兩者差唔多, 都係cream cheeze好香滑
可惜酒味都不重。
choclate cake係double chocolate fudge 0個隻
好rich，係出面賣緊$22－25．
朱古力fans必食.
美中不足的是餐飲
我妹飲涷奶茶固然係全盤失措
而我諗住食西餐飲熱咖啡就最最穩陣啦
杯咖啡係好大，根似成個碗咁大，
不過平心而論，味道只是一般
不夠香濃，有點失望。
和檯一樣，不是大就好的ma!
見人地張檯飲涷檸茶添完又添（免費的！）
我真後悔
兩個人埋單＄１９３
是一個普通SOHO lunch 0既價錢
不過抵食過ｓｏｈｏ
整體味道又不錯，
值得推介！
Post