遖

Open Now

Now Closed

店內環境舒服，大量淺色木製設計，師傅態度好nice, 食了lunch set既omakase先來前菜箱，長野蕃茄配麻醬，清甜多汁，之後再食配上咸蛋王醬既香魚，表面帶有道明寺， 糯米粒既感覺。幾香脆！不太腥味。 醃製左既蓮藕，幾清新爽脆，帶非常自然既甜味。之後就壽司出場，較為淡味既墨魚充滿著無限量既彈性，醬汁 on top更突出墨魚鮮。伊佐木少量彈性，清新帶微微魚香！油鯛，質感多一份嫩滑感，略帶微微魚香，仍是淡身魚之一。深海池魚，幾好食，魚既質感相當好，魚味偏前幾款濃，目鯛，食出有微微火灸左既感覺，幾香小肌魚，魚香好濃香，魚肉紮實有質感。銀鱈魚，好有肥美質感，魚油味都幾香，又係彈性魚，好正好嫩滑。香箱蟹，味道突濃！鮮味好突出，蟹肉超多好海膽相當creamy, 油潤感好正，綿綿滑滑！鮮味在口腔持久不散。拖羅蓉，用上紫菜包住，質感綿滑但又脆口，層次感夠豐富！松葉蟹茶碗蒸，表面帶有蟹膏汁，會流落蛋內，味道好鮮，蛋夠滑！還有菇增加質感香味。䔿菜魚湯，夠熱而且味道又帶奶香！個湯好正。