Video
Read full review
2016-07-17
5757 views
朋友常常都說我很有食福，總有機會有食神會帶我去吃好東西！(我就係一個唔捨得洗錢嘅人啦) 很久前已經希望有一天能夠嚟到食禮賓傅，我就利用我天天如商天蛾，日蛾夜蛾嘅性格，蛾了很久終於有機會嚟到喇！說真的我係好期待呢一餐飯！說真的很高興，禮賓傅今天我要吃掉你了！是日九道菜各自各精彩！前菜係辣皮蛋豆腐冰鎮苦瓜同埋海蜇！略略描述一下吧！海蜇屬於普普通通，爽脆苦瓜味清新，十分爽口。而最精彩嘅就係嗰個用咗潮式橄欖菜油同埋辣椒油混合皮蛋做嘅醬汁的皮蛋豆腐！接住就係朋友強烈推薦不得不吃嘅花雕蒸蟹鉗！每個蒸蟹鉗都係即叫即蒸！花雕嘅香味滲入蟹鉗，蟹鉗十分大隻鮮甜而且有肉感，廚師細心咁樣將全部殼取走，十分易吃！配上薑絲，唔怪得啲人話花雕同蟹肉係絕配啦！今次真係食到真章了！自家炸子雞，炸雞嫩得很，外皮很脆！配上五個醬汁，各自各精彩！不過略嫌太生！可能雞太大隻！鮮奶炒蟹肉香滑美味，很鮮甜配上從未見過咁大粒嘅松子仁，滑得溜手，配上陳醋，味道立即昇華！呢個望落去圓形的舊嘅就係另外一個王牌蝦多士！用上原隻嘅大蝦做個蝦多士爽脆美味！而最特別嘅地方就係大蝦同多士中間夾左一層鵝肝，味道更加突出！之前睇到嘅第一個王牌花雕蟹鉗，
很久前已經希望有一天能夠嚟到食禮賓傅，我就利用我天天如商天蛾，日蛾夜蛾嘅性格，蛾了很久終於有機會嚟到喇！說真的我係好期待呢一餐飯！
說真的很高興，禮賓傅今天我要吃掉你了！是日九道菜各自各精彩！
前菜係辣皮蛋豆腐冰鎮苦瓜同埋海蜇！略略描述一下吧！海蜇屬於普普通通，爽脆苦瓜味清新，十分爽口。而最精彩嘅就係嗰個用咗潮式橄欖菜油同埋辣椒油混合皮蛋做嘅醬汁的皮蛋豆腐！
接住就係朋友強烈推薦不得不吃嘅花雕蒸蟹鉗！每個蒸蟹鉗都係即叫即蒸！花雕嘅香味滲入蟹鉗，蟹鉗十分大隻鮮甜而且有肉感，廚師細心咁樣將全部殼取走，十分易吃！配上薑絲，唔怪得啲人話花雕同蟹肉係絕配啦！今次真係食到真章了！
自家炸子雞，炸雞嫩得很，外皮很脆！配上五個醬汁，各自各精彩！不過略嫌太生！可能雞太大隻！
鮮奶炒蟹肉香滑美味，很鮮甜配上從未見過咁大粒嘅松子仁，滑得溜手，配上陳醋，味道立即昇華！
呢個望落去圓形的舊嘅就係另外一個王牌蝦多士！用上原隻嘅大蝦做個蝦多士爽脆美味！而最特別嘅地方就係大蝦同多士中間夾左一層鵝肝，味道更加突出！
之前睇到嘅第一個王牌花雕蟹鉗，第二個王牌原隻蝦多士，接着就黎到第三個必食菜式蘿蔔炆牛腩！牛腩有時會用爽腩，有時會用牛腩，特色係炆得十分之淋，每一啖都會感受到肉同埋脂肪嘅分布，最特別最好食嘅就係蘿蔔，煮得十分入味！
梅菜蒸菜蔬 好少食到咁高質嘅梅菜每一啖都十分之香甜，配上薑絲清蒸毛瓜！為剛才嘅的牛腩清一清味蕾！
最後配上呢一碗楊州炒飯簡簡單單炒得每一粒分明！幾夠鑊氣！
甜品就係呢一個合桃露配上先百合味都唔會太甜但係十分之滑，甜品都係水準之上！
曾經有人同我講話禮賓府唔好食，開飯裏邊嘅食評全部都唔係真，但係我深信呢一位師傅能夠接代咁多外國嘅高官，一定會有佢嘅原因！可能唔係樣樣都好突出，但係我可以話你知由第一道餸到最後一道餸全部都係水準級，當中更有幾個係驚喜之作！禮賓府價格比較高，食廚師嘅名氣，還有會所式嘅服務及裝修！你問我值唔值得？我就覺得物有所值！尤其係佢哋嘅王牌三寶，花雕蟹鉗，蝦多士，蘿蔔炆牛腩！你會仔細食到師傅嘅細心啊！
最後喺呢度多謝呢位有好嘢食都會帶我去食嘅你！仲要我無一次比錢！所以我都唔知幾多錢！換我一個微笑！anyway . Thank you !
Post
