Video
Read full review
2018-08-16
222 views
fine dining體驗記✨ 無論係菜色定係飲品都有專人講解，自家製麵包就不在話下，甚至連一杯水都係要由西班牙入口，感受到餐廳對其細緻位好有執著✨其實餐廳有好多創新Cocktail，不過唔飲酒嘅我地就揀咗兩杯冇酒精嘅梳打，一杯係用韓國青梅茶，加上佛手柑同青檸，仲超浮誇咁響面頭灑上金粉，氣派盡現，另一杯係濟洲柑橘加蘋果汁配粟米茶，飲落好重粟米味好清甜。而今次嚟就試新推出嘅黑松露套餐，每道菜都運用黑松露作配搭。前菜為具fusion色彩嘅帶子沙律，火炙帶子刺身為基底，炙燒同鮮味兼備，配上鮮甜嘅有機番茄仔同蔬果菜粒，食起嚟幾有層次感✨第二道菜係炒蛋，話說黑松露同炒蛋永遠都係好朋友，兩種香氣相輔相成互相昇華，另外聰明地再加咗煎脆咗嘅parma ham，令個炒蛋味更香而且脆脆地食落刺激啲冇乜易膩，再食落去出奇地有菠菜同碎菇，即刻覺得有點中菜嘅色彩😛主菜方面有魚同牛揀，咁我地兩個都係食肉獸當然揀牛啦，medium rare好似再熟咗少少，可能掛住影相放耐咗😂 原本應該係重口味嘅肉味，食落卻一啲都唔heavy，甘甜幼滑嘅甘筍泥，入味軟腍嘅啤酒洋蔥絲，加上松露汁同本身個牛味，成件事好適中，唔會話淡味又
其實餐廳有好多創新Cocktail，不過唔飲酒嘅我地就揀咗兩杯冇酒精嘅梳打，一杯係用韓國青梅茶，加上佛手柑同青檸，仲超浮誇咁響面頭灑上金粉，氣派盡現，另一杯係濟洲柑橘加蘋果汁配粟米茶，飲落好重粟米味好清甜。
而今次嚟就試新推出嘅黑松露套餐，每道菜都運用黑松露作配搭。前菜為具fusion色彩嘅帶子沙律，火炙帶子刺身為基底，炙燒同鮮味兼備，配上鮮甜嘅有機番茄仔同蔬果菜粒，食起嚟幾有層次感✨
第二道菜係炒蛋，話說黑松露同炒蛋永遠都係好朋友，兩種香氣相輔相成互相昇華，另外聰明地再加咗煎脆咗嘅parma ham，令個炒蛋味更香而且脆脆地食落刺激啲冇乜易膩，再食落去出奇地有菠菜同碎菇，即刻覺得有點中菜嘅色彩😛
主菜方面有魚同牛揀，咁我地兩個都係食肉獸當然揀牛啦，medium rare好似再熟咗少少，可能掛住影相放耐咗😂 原本應該係重口味嘅肉味，食落卻一啲都唔heavy，甘甜幼滑嘅甘筍泥，入味軟腍嘅啤酒洋蔥絲，加上松露汁同本身個牛味，成件事好適中，唔會話淡味又唔會過濃，好調和✨
另外加咗個海膽意粉，白色忌廉泡泡似乎係韓菜常見把戲，重點係面頭果堆鮮甜到爆嘅海膽，將佢同啲汁撈勻後成個麵麵係鮮味簡直係人間極品，唯一係個意粉可以用再闊身少少嘅款式以便掛汁。
最後係甜品，其實我覺得呢度啲甜品先係佢地嘅最大殺著，當中吸引力最高一定係個爆谷山，除咗係打卡神菜賣相滿分之外，味道都好有水準，本身啲爆谷都好濃粟米香，加埋個粟米糖漿更想一層樓，再加上上碟時會有專人響你面前刨啲喜馬拉雅山岩鹽，帶輕鹹味刺激食慾，而爆谷包住入面嘅係粟米雪糕，不過其實成個甜品都係粟米味所以當時其實唔係太食得出，不過非常香滑✨
另一個白色盒子其實係有啲意外，本身睇menu張圖以為佢只係好似月餅咁大，點解成品出到嚟好似用咗神奇放大電筒咁巨型咗三四倍好似磚頭咁大😂 而味道非常適合我呢啲酸口味控，除咗入面係酸酸嘅紅莓醬之外，連出面純白色好似天使蛋糕嘅cream其都係sour cream酸上加酸幾刺激😛 當然入面仲有士多啤梨粒同紅桑子，唔會淨蛋糕同醬咁單調嘅，另外仲有幾嚿焦糖脆脆俾你連埋一齊食，其焦糖甘味正好抵勻返蛋糕嘅酸味。
最後講埋松露餐嘅甜品係滿滿分子料理風嘅tiramisu，由一開蓋有陣氮氣煙湧出，之後望落同拮落都好似朱古力蛋糕，但一放入口即刻溶成漿，名副其實嘅chocolate wind，而tiramisu入面收埋咗水珠形嘅咖啡漿，將精華番返響口腔入面先爆，最後連個雪糕都係茉莉米味雪葩，實驗性極強✨
就算唔係響度食飯淨係嚟食個甜品都好推薦，頭兩款甜品其份量可以夠三至四個人食，而且當晚成個環境都好寧靜，都幾適合食完飯搵個地方坐低食下甜品傾吓計囉😛
Post
