映水芙蓉 (時代廣場) (Closed)

今次黎到映水芺蓉食野，映水芺蓉係一間高級四川菜，一共有兩間分店係香港，我今次去既係位於銅鑼灣既分店。依到既服務真係好好，係用餐之前，職員有簡單介紹餐牌。開始食野之後，職員亦有好細心咁講解點先可以正確咁品嚐到每一道菜既美味。另外，職員更換餐具同加水等等亦都好有效率。椒麻南非鮮鮑 （$168）椒麻醬調得好特別，有一種獨特既香味同麻辣既味道。食鮑魚既時候可以沾多少少汁，令味道更上一層樓。蓉城小點 （$68/位）由右邊既衝衝卷食起，卷入面有好多蔬菜同肉等等，配上最底既蜜汁，幾好味。中間既係帶子同雞樅菌，帶子入口好滑，好多汁，雞樅菌亦都有好香既菌味，非常好味。最後係唐辛鵪鶉蛋，蛋黃好香，好好味。四川紅燒花膠 （$98/位）花膠好厚肉，蘿蔔好嫩亦都好甜，非常好味。蘿蔔用既係大蘿蔔中間既肉，再加以烹煮。最特別係個汁，入口有少少甜，之後個辛辣味再慢慢滲出黎。香芒山葵蝦球 （$238）山葵味好香濃，入口唔會太辛辣，岩唔食辣野既朋友食。蝦球好大隻，爽口彈牙，蝦肉好鮮甜，非常好味呀。宮保大蝦球 （$238）依個蝦球同上一道菜一樣，係烹調方式唔同。依道菜整得唔算太辛辣，食既時候反而有陣陣麻辣味，好有四川風味。