Bondi (Closed)

近年來，好多唔同嘅食肆都係工業大廈上面開設餐廳。當然，觀塘嗰邊最多，但喺另一邊嘅荃灣線嘅荔枝角站呢度，bondi就係其中一間，喺工業大廈上面開設嘅食肆。佢嘅位置幾方便，直接喺d2 place對面，所以搵佢唔使失失慌，好容易就可以知道佢嘅位置。呢一個地方好容易搵到，出咗𨋢之後轉右就大大個招牌擺喺眼前。佢餐牌上面可以選擇嘅食物菜式非常多，有意粉亦都有扒類，比較想食埋佢嘅前菜同埋湯，所以我就加咗68蚊，變做set dinner， 另外再加多28蚊享受佢嘅甜品同嘢飲。前菜我選擇咗bondi 沙律同埋甘筍湯。呢個沙律嘅名嘅來源係來自一個沙灘，所以佢嘅擺設都附有沙灘嘅氣息，非常吸引眼球嘅注意力。而佢配上淡淡地嘅日式芥末汁，感覺幾爽下真係有啲似係沙灘嘅風味，都係一個開胃之選。而佢嘅精選餐湯係甘筍湯，入口好滑好清甜之餘，亦都有著好濃嘅甘筍味， 你本身唔係咁鍾意食甘筍嘅我，都愛上咗呢種味道。至於佢嘅自家製香草醬鮮蝦意粉，鮮蝦嘅數量多之餘，仲鮮甜爽口，配上香草醬意粉，感覺更加夾。又睇得又食得，作為主菜一流。佢嘅甜品係即日整嘅，上面淡淡嘅芝士味， 配上下面嘅曲奇餅底，作為結尾，入口甜而不膩。因為呢一度嘅環境