Video
Read full review
2018-08-22
267 views
見到舖名tartes & pop 嘅時候對tartes呢個串法有點疑惑：tart係加es架咩？原來呢間餅店係由法國人主理，tarte就係tart嘅法文。一個大盒可以裝四件tartes，而每件tarte就被迷你盒裝住，送畀人食大方得體。地方雖然唔大，但想慳返個盒亦可以堂食。店主會定期換新款tarte，呢一期就有9款，除咗Baba Cranberries tarte ($50)，全部都係$45。先講講我哋成家一致讚好嘅Orange Earl Grey tarte~自製餅底比坊間唔少餅店輕盈，個底做得又薄又脆，富牛油香但食完指尖冇沾上半滴油。Earl Grey味道來自淡啡色嘅cream，cream入口即溶，奶味好出。但一啖食到底先係最好食！鮮橙夾心唔太酸同甜，但橙香四溢，配搭Earl Grey cream食唔會互搶，而係好match。Almond Apricot tarte 亦係清新之選。杏桃酸溜溜，cream部分軟滑富奶香，杏仁味冇期望咁濃，但一啖咬晒咁多層的話杏仁味會慢慢滲出。有趣嘅係，呢度大部分tartes 都係一啖到底先食到所有食材嘅味道，唔通係食材配搭嘅功勞？tarte面嘅方粒脆卜
見到舖名tartes & pop 嘅時候對tartes呢個串法有點疑惑：tart係加es架咩？原來呢間餅店係由法國人主理，tarte就係tart嘅法文。
一個大盒可以裝四件tartes，而每件tarte就被迷你盒裝住，送畀人食大方得體。地方雖然唔大，但想慳返個盒亦可以堂食。
店主會定期換新款tarte，呢一期就有9款，除咗Baba Cranberries tarte ($50)，全部都係$45。先講講我哋成家一致讚好嘅Orange Earl Grey tarte~
Earl Grey Orange tarte
$45
3 views
0 likes
0 comments
Earl Grey味道來自淡啡色嘅cream，cream入口即溶，奶味好出。
但一啖食到底先係最好食！鮮橙夾心唔太酸同甜，但橙香四溢，配搭Earl Grey cream食唔會互搶，而係好match。Almond Apricot tarte 亦係清新之選。
Almond Apricot tarte
$45
5 views
0 likes
0 comments
有趣嘅係，呢度大部分tartes 都係一啖到底先食到所有食材嘅味道，唔通係食材配搭嘅功勞？tarte面嘅方粒脆卜卜好得意 。Sesame Matcha tarte 出奇地係濃味出品。
Sesame Matcha tarte
$45
10 views
0 likes
0 comments
用上宇治抹茶show 埋證書冇得魚目混珠，但呢個tarte 黑芝麻先係主角。
芝麻香濃到好似芝麻糊咁，但抹茶控可能會有啲失望。只食上層抹茶方磚其實係超濃抹茶味架，芝麻cream 上嘅茶粉甘香微澀亦相當出色，只係一咬到底的話芝麻嗰層太厚，味道有點霸道，食落抹茶只係為芝麻增香，令佢更出味，抹茶味相對失色。
可能同其他tartes一樣，加層抹茶醬夾心，味道會balance 啲。但單講味道、軟滑程度同餅底仍係十分出色。最後就係稍貴$5嘅 Baba Cranberries tarte。
Baba Cranberries tarte
$50
7 views
0 likes
0 comments
上層蔓越莓蛋糕吸滿莓汁，夠晒酸，中層亦有果醬，莓味極之搶鏡。
黑朱古力蛋糕特濃，好難得只係sponge cake 都濃到唔會被莓搶味。圍邊喺蛋糕雖然唔多有朱古力味，但我覺得應該係刻意咁做？莓嘅酸同重可可粉嘅蛋糕都會令tarte 感覺較乾，cream 擔當起每個tarte 應有嘅角色：令整體更rich。不過我完全唔識整甜品，純粹覺得呢個配搭係好，大家不喜咪插囉😂我又唔係你條脷～
順帶一提，呢度食撻請用手。喺地價貴到喊嘅 HK仲有呢種真材實料嘅小店係奇蹟，價錢合理，值得試試。
Post
