魚事者 (鴻達樓) (Closed)

經過旺角，被一個綠色門面小食店吸引。當時正值打風日子，有幸在店員收舖前下單了今晚的晚餐。餐牌簡單易明，我點了一個全份吉列豬扒撈魚麵，既然是小食店，也叫了一個乜都有嘅小食拼盤和冇豬肉嘅芫荽燒賣。如果堂食的話，可以在舖頭側邊的企台進食，環境乾淨。而外賣的話，更會附送一個牛皮紙袋，面上更有店員人手繪畫的圖畫，好得意。主食吉列豬扒炸得金黃酥脆，豬肉香味突出，配上咖喱醬汁的魚麵，配搭新穎。魚麵軟硬適中，醬汁輕輕鋪滿在麵上，不會有額外多餘的醬汁，不用擔心過多的醬汁會因為外賣而淋濕吉列豬扒的脆面。小食拼盤真係好適合有選擇困難嘅人，從未見過如此粗壯的炸魚狗腸，再加上魚餅和兩款燒賣，配上深得香港街頭咖喱醬精粹的醬汁，少少辣既能增加食慾，也能夠突出魚肉的鮮味，想令人一直食吾停。最後其實見到餐廳有唔少特色飲品，唯有下次行街經過時候再叫一杯消消暑吧。