瀛一 (Closed)

星期日中午時間黎到大圍搵食市集地下呢間瀛一，好好生意，堂食外賣都超多人，要攞牌仔等叫號碼，見咁多人就知唔伏，所以就決定食呢間。超多選擇，有飯卷、手卷、刺身、壽司仲有定食，望到眼都花啊。揀左呢度推薦既火焰芝士軟殼蟹飯卷（$36）- 炸軟殼蟹炸得夠香口，卷入軟軟既飯入面， 面頭加上日式芝麻醬，口感豐富，果然係呢度既招牌。 玉子飯卷（$18） - 切開有成六舊，幾抵食，面頭一樣有日式芝麻醬。辣味三文魚手卷（$26）-  黎到見到一塊塊新鮮魚生，無理由唔叫返個魚生類食物，辣味三文魚唔算辣，對唔食得辣既阿媽黎講都叫接收到。