泰‧雅

Open Now

Now Closed

放工去奧海城食野，food court 唔會太逼，坐得都舒服。我地揀咗海南雞飯、泰式炒雞肉金邊粉同泰式豬頸肉。另外跟餐加錢配咗單骨雞翼同無骨鳳爪。本身自己鍾意食海南雞飯，基本上見到餐廳有都會點😋餐廳既油飯大大碗，雞肉皮爽肉嫩，配埋黑醬油嚟食，好快就比我地清哂😂金邊粉有雞肉、煎蛋碎、紅蘿蔔絲、芽菜等，十分健康。而且食落唔太油膩又夠大碟，同朋友share食啱啱好～豬頸肉有少少燶邊所以比較脆，肥瘦適中，咬落爽口彈牙，抵食又好食。單骨雞翼上鋪咗炸蒜，食落更香口。冇骨鳳爪非常入味，味道比想像中辣，配上蔬菜之間加添一份清新，係唔錯既前菜。