大宮 (Closed)

今日去開APM，發現真係好耐冇食過呢度嘅food court。望吓望吓又發現幾抵食喎，今日揀咗食「大宮」，有啲定食同拉麵/烏冬。🍲我哋揀咗野菜牛肉烏冬仲有牛肉定食。想試吓呢度嘅小食，人少少可以揀$12一份嘅章魚丸子仲有南蠻炸雞。今日啲食物都偏鹹，🤔真係一定要配飯先得。牛肉肉質都幾韌。🥗沙律菜幾大份，但係啲醬汁就多咗少少。反而呢個炒雜菜就幾啱我，🥬🥕菜嘅種類好多，感覺健康，而且個調味亦都相對較清淡。朋友碗烏冬🍜可能因為落咗豬骨湯嘅關係，的確幾惹味，有肉有菜份量都唔細，水準相對比較平均。