Video
Read full review
2020-12-22
1001 views
終於捱到放大假，收工同老公嚟樂富廣場行街街。其實自從舊年 UNY 生活創庫完成翻新工程重新開幕後都無嚟過，趁機四處逛逛。原來入面地方好大，佔地超過 6 萬呎，有齊超級市場、家品部及美食廣場等等。有人話好肚餓，咁就一於先去 food court 搵食。在場內行了一圈，見到呢間喺櫥窗吊掛住嘅泰式雞，賣相都幾吸引，就一於不作他想。先去櫃位攞張餐牌睇下，食物選項都幾豐富，有船麵、飯、炒麵、沙律、蔬菜、小食、芒果糯米飯、冬蔭海鮮湯及飲品等。揀咗一個飯、一碟炒河、沙律、小食、蔬菜，另外再加咗一客甜品同飲品。泰式無骨雞飯 ($52) 碟無骨雞確係值得一讚，雞皮油亮，雞肉又嫩又滑，就算唔點醬汁，空口食都已經好夠味。雞油飯用黃薑炒過，食落特別香口。跟雞飯送嘅餐湯，味道亦不俗，內裡有好大件冬瓜，入口非常清甜。好耐無食過泰式乾炒河 ($50)，呢度真係炒得唔錯，河粉好滑溜，條條分明，而且食落唔會一口油，炒功一流，味道均勻，香而不辣，很冶味，令人食慾大增。另外碟泰式無骨鳳爪沙律 ($34) 亦好有睇頭，鳳爪大大隻，飽滿又完整，個汁調校得很不錯，入口酸爽微辣，配埋甜美嘅車厘茄一起吃，食完真係超開胃 。至於碟
原來入面地方好大，佔地超過 6 萬呎，有齊超級市場、家品部及美食廣場等等。有人話好肚餓，咁就一於先去 food court 搵食。
在場內行了一圈，見到呢間喺櫥窗吊掛住嘅泰式雞，賣相都幾吸引，就一於不作他想。
先去櫃位攞張餐牌睇下，食物選項都幾豐富，有船麵、飯、炒麵、沙律、蔬菜、小食、芒果糯米飯、冬蔭海鮮湯及飲品等。
揀咗一個飯、一碟炒河、沙律、小食、蔬菜，另外再加咗一客甜品同飲品。
泰式無骨雞飯 ($52) 碟無骨雞確係值得一讚，雞皮油亮，雞肉又嫩又滑，就算唔點醬汁，空口食都已經好夠味。雞油飯用黃薑炒過，食落特別香口。跟雞飯送嘅餐湯，味道亦不俗，內裡有好大件冬瓜，入口非常清甜。
好耐無食過泰式乾炒河 ($50)，呢度真係炒得唔錯，河粉好滑溜，條條分明，而且食落唔會一口油，炒功一流，味道均勻，香而不辣，很冶味，令人食慾大增。
另外碟泰式無骨鳳爪沙律 ($34) 亦好有睇頭，鳳爪大大隻，飽滿又完整，個汁調校得很不錯，入口酸爽微辣，配埋甜美嘅車厘茄一起吃，食完真係超開胃 。
至於碟泰式豬頸肉 ($36) 賣相亦不俗，成品分量挺多，足足有成 14 片，食落爽口彈牙，有肉汁又唔嚡，配埋個醬汁吃，香口又惹味，
每餐飯都要吃點菜，今次揀咗蒜蓉芥蘭 ($38)，碟芥蘭炒得頗有水準，新鮮翠綠，夠爽口又有菜味，入口還帶陣陣蒜蓉香。
飲品點咗珍多冰 ($18) 同 青檸梳打 (跟餐換購 $10)，珍多冰用料十足，內有不少紅豆和綠豆粉條，粉條軟滑、椰漿香甜，冰涼解渴。青檸梳打微酸微甜，挺清爽，加上青檸嘅酸香，寧舍醒神。
最後食埋個芒果糯米飯 ($42) 真係超滿足，糯米飯即叫即做，入口暖笠笠，煙韌微甜。芒果大大件，清甜無渣，淋上甜美嘅椰漿一起吃，更加有風味，食完真係甜到入心。
Post
