Chatuchak (Closed)

嚟銅鑼灣選購日用品，行咗唔夠個半鐘就已經開始有啲攰，有人提議不如上希慎 food court 坐低，休息下，順便食個 early lunch。喺場內行咗一圈，見到有間以「Chatuchak」命名嘅食肆，店鋪主打泰國地道美食，反正我倆也很久沒吃過泰菜，就一於試試。餐牌有翟道翟推介、泰式湯粉、街頭炒粉麵飯、芭堤雅特式沙律、串燒、小食、甜品及飲品等，選項清晰，一目了然。我哋點咗招牌海南雞飯 ($68)、鮮蝦炒金邊粉 ($64)，另外仲有小食同飲品。海南雞飯大大碟，份量十足。雞皮色澤鮮明，呈金黃狀態，皮同肉中間還有一層薄薄嘅啫喱，入口皮爽肉滑，啖啖肉又無骨，配泰式辣醬，惹味非常。伴吃嘅油飯水準亦很不錯，飯身油潤，粒粒分明，食落煙韌有咬口。另外碟飯仲配咗碗湯，入口清甜無味精。至於另一客金邊粉亦很有特色，蝦隻鮮爽彈牙，金邊粉炒至濕潤，吃時再拌入碟旁嘅花生、砂糖同辣椒碎粒，甜、酸、鹹、辣共冶一爐，充滿泰國風味！跟餐小食就揀咗蝦餅 ($24) 同 春卷 ($24)，兩款都係新鮮即炸，入口熱辣辣，蝦餅爽彈有蝦味、而春卷亦非常足料，香脆可口。食得泰菜就梗係要歎番杯泰式飲品先夠完美，杯泰式奶茶 (跟餐+$1