Honbo (Closed)

喺中環番工咁耐，都唔知原來怡和大廈嘅basement有一個foodcourt，裡面嘅環境同燈光同一般大眾嘅foodcourt好唔同，令人有種置身於酒吧嘅感覺，氣氛好熱鬧！有好多外國人放工都會黎呢度飲番杯，順便食個飯。Honbo係度度唯一一間賣漢堡包嘅食店。每間餐廳嘅餐牌都以電子屏幕形式展示，人客揀完心水食物之後就去櫃面落單。如果唔係太肚餓嘅話，點個最basic嘅芝士漢堡都好夠飽了！如果想再飽肚d，可以揀雙層芝士漢堡！😇呢度有我最中意食嘅cheese fries，芝士醬份量又多味道又濃郁，好邪惡呀！可惜有幾款小食都已經賣哂，唯有下次黎再試喇。Honbo系列係呢度嘅招牌，同cheese burger最大嘅分別就係塊牛肉漢堡薄一D，同埋少左生菜，而個醬汁味道就差唔多，都係相當濃郁嘅！一定要試佢個coleslaw，味道清新，可以中和一下漢堡包同炸薯條嘅熱氣同油膩感。飲品方面我地揀左sparkling water同埋lemonade，冰涼又解渴！👍🏻☺️以後lunch唔知同同事去邊度食飯好，就多個好選擇喇！💙