Video
Read full review
2022-06-14
168 views
高橋沾麪研究所📍大角咀海庭道18號奧海城2期1樓大食代5號舖嗰日同frd喺奧海城行完街，就打算去foodcourt求其搞掂一餐啦，見到居然會有沾麪店，本身都無抱咩期待，純粹有啲意外竟然會喺foodcourt見到沾麪店，而且價錢又唔貴，決定試下，但係竟然都幾唔錯，決定推薦俾大家~🌃環境喺大食代入面，都幾好揾，foodcourt嘅好處就喺夠闊落，多數時候都有位坐🥘食物❤️黑蒜豚骨叉燒拉麵 $54呢碗嘢係意外地足料，喺呢個價錢嚟講簡直超班發揮，想喺香港揾到咁嘅質素咁嘅價錢真係難。麵係幼身嘅，黑蒜油味幾重，屬於辛口，有啲回甘，好濃厚嘅豚骨味，同黑蒜好夾，豚骨嘅肥膩俾黑蒜化解，黑蒜嘅辛辣俾豚骨嘅油脂香包裹下變得温和，好正！ 😋值得一提嘅喺佢嘅配料，筍屬於爽脆無渣，清清甜甜，為成碗麵增加好有趣嘅口感，而叉燒肥瘦相間，恰到好處，肉邊有啲焦香味，整體偏甜，好正，而個半熟蛋屬於我最中意嘅熟度，唔會太生搞到有腥味，唔會太熟搞到太硬，好出色 🥰推薦度： 😋😋😋😋❤️高橋龍蝦沾麪一攞上台，見到個沾汁係呈現沸騰狀態，不斷冒泡，而麵體係凍嘅，完全符合曬正宗沾麪嘅元素 🤩值得一讚嘅係，沾麪嘅麵體同拉麪嘅唔同，係偏粗身嘅
📍大角咀海庭道18號奧海城2期1樓大食代5號舖
嗰日同frd喺奧海城行完街，就打算去foodcourt求其搞掂一餐啦，見到居然會有沾麪店，本身都無抱咩期待，純粹有啲意外竟然會喺foodcourt見到沾麪店，而且價錢又唔貴，決定試下，但係竟然都幾唔錯，決定推薦俾大家~
🌃環境
喺大食代入面，都幾好揾，foodcourt嘅好處就喺夠闊落，多數時候都有位坐
🥘食物
❤️黑蒜豚骨叉燒拉麵 $54
呢碗嘢係意外地足料，喺呢個價錢嚟講簡直超班發揮，想喺香港揾到咁嘅質素咁嘅價錢真係難。麵係幼身嘅，黑蒜油味幾重，屬於辛口，有啲回甘，好濃厚嘅豚骨味，同黑蒜好夾，豚骨嘅肥膩俾黑蒜化解，黑蒜嘅辛辣俾豚骨嘅油脂香包裹下變得温和，好正！ 😋
值得一提嘅喺佢嘅配料，筍屬於爽脆無渣，清清甜甜，為成碗麵增加好有趣嘅口感，而叉燒肥瘦相間，恰到好處，肉邊有啲焦香味，整體偏甜，好正，而個半熟蛋屬於我最中意嘅熟度，唔會太生搞到有腥味，唔會太熟搞到太硬，好出色 🥰推薦度： 😋😋😋😋
❤️高橋龍蝦沾麪
一攞上台，見到個沾汁係呈現沸騰狀態，不斷冒泡，而麵體係凍嘅，完全符合曬正宗沾麪嘅元素 🤩值得一讚嘅係，沾麪嘅麵體同拉麪嘅唔同，係偏粗身嘅，好有咬口，我個人鍾意食呢種麵多啲 👍🏻而沾汁中也有肉粒、龍蝦肉，真材實料，偏重龍蝦味多啲，唔單只沾汁入面有肉粒，麵上面都有三塊叉燒，誠意十足 😜
無論係海鮮控定肉食獸都好，都可以得到滿足，而其他配料就同拉麪一樣，呢度唔再多講，但係我個人嚟講鍾意沾麪多啲，因為個汁真係好濃厚好夠味，但係又唔會鹹過龍，直接飲都得！ 😇推薦度： 😋😋😋😋😋
Post
