Video
Read full review
2006-07-20
13 views
老友Ryan繼年前西藏遊後,今次到遠征南半球邊做邊體驗生活,臨行前一定要請我食餐好,唔食得生野,日本野的話,去稻菊吃天婦羅.應該切合到老友所需.昨日天氣炎熱,烈日照尖東,行到去帝苑正門外Driveway,一陣酸臭味陣陣傳出.又唔係必然,都唔係意外,尖東對我來講一樣烏煙彰氣.同埋帝苑,唔係一些特別高級的酒店,只係食肆名氣大而已.平日lunch walk-in,勉何安排到坐吧位.正口我口胃.環境也很"HIP".加上是日Fred Perry polo上身,腳踏對舊到龜裂的Stan Smith.對比非常強烈.活生生一個"Football Casual"企圖大鬧四星級酒店.事實上,席上顧客,睇個款應該係行政人員光顧居多.大拿拿舊幾水一個set,點會係我呢類Target audience?兩個男人,安坐天婦羅吧檯前,睇個menu,Lunch set係無自己心水,要個Tempura加稻庭冷食set,都係$160,Ryan兄個Tempura飯,平$20.一致通過.無得上訴.先來客沙律開一開個胃,坐在吧檯前冷眼旁觀師傅三兩下手勢,將材料輕輕搽點粉漿,後放落個全港得兩三部的天婦羅炸爐,不失為一件賞心的同場
昨日天氣炎熱,烈日照尖東,行到去帝苑正門外Driveway,一陣酸臭味陣陣傳出.又唔係必然,都唔係意外,尖東對我來講一樣烏煙彰氣.同埋帝苑,唔係一些特別高級的酒店,只係食肆名氣大而已.
平日lunch walk-in,勉何安排到坐吧位.正口我口胃.環境也很"HIP".加上是日Fred Perry polo上身,腳踏對舊到龜裂的Stan Smith.對比非常強烈.活生生一個"Football Casual"企圖大鬧四星級酒店.事實上,席上顧客,睇個款應該係行政人員光顧居多.大拿拿舊幾水一個set,點會係我呢類Target audience?
兩個男人,安坐天婦羅吧檯前,睇個menu,Lunch set係無自己心水,要個Tempura加稻庭冷食set,都係$160,Ryan兄個Tempura飯,平$20.一致通過.無得上訴.
先來客沙律開一開個胃,坐在吧檯前冷眼旁觀師傅三兩下手勢,將材料輕輕搽點粉漿,後放落個全港得兩三部的天婦羅炸爐,不失為一件賞心的同場加映插曲.
時間尚早,客人不多,所以好快便有得吃,炸蝦餅飯細細碗,份量剛好.炸蝦餅的蝦好新鮮,吃出個甜味來,外層粉漿薄如紙,做得很高水準.如果唔要個飯,要左個Sushi,會吃出什麼反應來?
尚有炸蝦兩隻,雜菜數件,上桌時特地放在隔油紙上過一過冷河.去走一些油份.炸蝦並不如之前有朋友講活捉活炸,不過照樣脆漿薄如紙,蝦肉很鮮甜.其他雜菜有青椒,茄子,荀等.就算經過高溫油炸之下,一樣保持到水份.非常出色.要挑惕的,就時吃罷個口,都係有些油味留在口中,良久不散.
天氣熱最好吃冷烏冬.稻庭烏冬唔算係特別手打貨色,但在32度高溫之下,實在是一道時令之選.
與Ryan的話題,由青藏鐵路一起,拉薩已不再是樂土,由歐州坐車到哈薩克,再上西伯利亞,直落蒙古,向烏蘭巴托進發...呢個rundown,諗起都流口水,可惜,不再少年時.現實上北韓話比大家聽咩叫射完再射,一個大浦導彈不小心落在日本領土的話,我倆"花生客",一定拍手掌,到時美帝實整個飛彈回敬,到時八國聯軍,無邪惡軸心,槍口一致金正日行宮."八國聯軍解放北韓人民,兩韓統一".呢樣係我想睇到的結果,諗起都興奮.
Ryan,多謝你呢餐飯,一年後,大家開心見城.約實你.
Post
