曼谷泰菜 (Closed)

日前天氣寒冷,正是打邊爐的大好時機,貴網的籌款晚會,時間較得岩岩好.地點香港仔,小弟每次食泰菜,一定會去坐11號都會去到的九龍城.香港仔就還是首趟,交通,又唔算唔方便,在土瓜灣出發,107號巴士一條龍直到.一行接近四十人,包起成個場,而且全場星啤無限refill .是夜主力打邊爐,當個火窩上桌,仲會認為係Tom Yum作湯底,原來,同我地本身吃開的清湯底無甚分別.唔同在醬汁唔係豉油,而係一個泰式醬汁,唔辣,質感味道有點似用來點北京水餃的豆辦醬.配料同樣同我地食開的沒甚分別,係個肥牛,外型真係似煙肉.醉翁之意,旨在酒,今次第三次參與貴網gathering,係最多口水的一次.酒精,的確幫到手,講過咩,我又唔記得.特別嘉賓泰國通胡慧沖,為這個本來好high的一夜,更推上一層樓.大家搶住問泰國有乜好路數,絕對地互動.在泰國菜方興未艾之下,勇闖老銅,一定大有可為,僅在此祝曼谷泰菜生意興隆,繼續為我們眾食友帶來美食.