Video
Read full review
2020-07-06
1475 views
在32 度高溫下，Blue Monday 諗食咩會有d 頭痛，加上全面復工下，中環食飯嘅人龍，人與人之間距離，令溫度升多幾度。餐廳位置昔日食肆林立嘅歌賦街，已經開始出現倒閉潮，當然亦有新開張的拉面店，炎炎夏日下出現長長人龍，但堅持大原則，新店無開返半年，唔會幫襯。Lobster & Mussels by Paul's Kitchen 位於歌賦街前段位置，鋪頭門面簡約設計，裝修並不顯眼，中隱隱於市嘅感覺。店內環境樓底偏矮，樓下只有5張枱，樓上我未去過不能探秘，因食客數目不多，有足夠距離，傾計亦不會影響其他人。食物Set lunch 有頭盤/餐湯，主菜，餐飲。行上黎都滿頭大汗下，店主推介是日餐湯係青瓜凍湯，聽到都覺得涼晒，但係我同唔少香港人一樣，口味未接受到。所以前菜選擇了龍蝦湯同煎帶子。龍蝦湯主打龍蝦嘅餐廳，龍蝦湯唔會差得去邊，龍蝦湯一睇顏色同稠度就知對版，湯底鮮味濃郁，滿有龍蝦獨特嘅甜味，香味來自如烤焗磨碎的龍蝦殼。但比起Hugo's 龍蝦湯，還差一點點幼滑和酒香，如果加入少許忌廉和威士忌會令整道湯更有層次。煎北海道帶子連屋企樓下都有嘅北海道帶子，但好多時都會以刺身方式食用，煎帶子其實
餐廳位置
昔日食肆林立嘅歌賦街，已經開始出現倒閉潮，當然亦有新開張的拉面店，炎炎夏日下出現長長人龍，但堅持大原則，新店無開返半年，唔會幫襯。Lobster & Mussels by Paul's Kitchen 位於歌賦街前段位置，鋪頭門面簡約設計，裝修並不顯眼，中隱隱於市嘅感覺。
店內環境
樓底偏矮，樓下只有5張枱，樓上我未去過不能探秘，因食客數目不多，有足夠距離，傾計亦不會影響其他人。
食物
Set lunch 有頭盤/餐湯，主菜，餐飲。
行上黎都滿頭大汗下，店主推介是日餐湯係青瓜凍湯，聽到都覺得涼晒，但係我同唔少香港人一樣，口味未接受到。所以前菜選擇了龍蝦湯同煎帶子。
龍蝦湯
主打龍蝦嘅餐廳，龍蝦湯唔會差得去邊，龍蝦湯一睇顏色同稠度就知對版，湯底鮮味濃郁，滿有龍蝦獨特嘅甜味，香味來自如烤焗磨碎的龍蝦殼。但比起Hugo's 龍蝦湯，還差一點點幼滑和酒香，如果加入少許忌廉和威士忌會令整道湯更有層次。
煎北海道帶子
連屋企樓下都有嘅北海道帶子，但好多時都會以刺身方式食用，煎帶子其實會令帶子表面焦糖化令甜度提高，要做到外脆內嫩需要準確拿捏火侯。此道帶子尺寸略小，外脆有足夠的焦糖化，但可惜裡面略為熟，最理想應該入面仍然係處於流心狀或生嘅狀態。
煎北海道帶j子
53 views
0 likes
0 comments
白酒煮青口
每次入店前，都會問一問今日有無青口同邊到嘅青口，夏天季節南半球產地較為當造，是日為澳洲活青口，澳洲青口尺寸一般較大，殼亦比較重，所以500g 只有十數隻，澳洲青口特點係海水味濃，肉質煙韌，大廚煮至7~8成熟，令青口保持嫩滑，搭配西芹，蒜頭，傳統手法將鮮味推到極致，但敗筆係白酒過多，帶來些微苦味。食青口最佳配搭當然係薯條，識食就唔會點茄汁，而係鮮甜嘅青口湯汁。
白酒煮青口
55 views
0 likes
0 comments
最後一提，小店洗手間非常乾淨，疫情期間最緊要勤洗手，竟然發現洗手液使用Aesop, 真係wow 一聲，足見大家都係識貨之人。
Post
