Video
Read full review
2014-09-09
1851 views
今晚想揾一間較靜的餐廳食飯，响openrice揾到間金鐘的caffè HABITŪ the table ，吃完之後覺得好正，適合哂同另一半去 我地係星期五晚去，人唔多，座位寬敞又舒服，加上餐廳的裝修&環境俾人有種relax，寧靜的感覺，絕對加分！食物方面，我地叫左白松露磨菇野菌湯＆雜菜湯。雜菜湯味道清新，蕃茄味較重（鍾意濃味的朋友可能唔適合），不過材料十足。磨菇湯味道唔錯，一上檯就有好香既松露香味，磨菇和忌廉兩者分配得宜，湯都打得好滑，搞到我想即刻叫多碗^Q^主菜方面，我們叫左至尊牛肉漢堡＆茄子肉醬千層面。兩款都好有驚喜！至尊漢堡有好多肉汁，上菜已經見到Ｄ肉汁滴緊落黎，個包唔係平時既漢堡包，轉左用比較煙un，乾身既包，但配埋好juicy既配菜, 煙肉＆黑醋沙律，食完都唔會覺得太膩。薯條係粗薯，炸得岩岩好，外層脆口，入面好軟熟。至於茄子肉醬千層面，裏面茄子代替左面, 以往响其他地方吃千層面通常吃不晒，太膩。反而HABITŪ依個吃晒成碟都無"仔"既感覺, 味道都相當唔錯。最後我們後加左Rose Latte 和雪糕朱古力心太軟，杯Rose Latte 拉花圖案很美，睇得出咖啡師很用心，奶打
食物方面，我地叫左白松露磨菇野菌湯＆雜菜湯。雜菜湯味道清新，蕃茄味較重（鍾意濃味的朋友可能唔適合），不過材料十足。磨菇湯味道唔錯，一上檯就有好香既松露香味，磨菇和忌廉兩者分配得宜，湯都打得好滑，搞到我想即刻叫多碗^Q^
主菜方面，我們叫左至尊牛肉漢堡＆茄子肉醬千層面。兩款都好有驚喜！至尊漢堡有好多肉汁，上菜已經見到Ｄ肉汁滴緊落黎，個包唔係平時既漢堡包，轉左用比較煙un，乾身既包，但配埋好juicy既配菜, 煙肉＆黑醋沙律，食完都唔會覺得太膩。薯條係粗薯，炸得岩岩好，外層脆口，入面好軟熟。
至於茄子肉醬千層面，裏面茄子代替左面, 以往响其他地方吃千層面通常吃不晒，太膩。反而HABITŪ依個吃晒成碟都無"仔"既感覺, 味道都相當唔錯。
最後我們後加左Rose Latte 和雪糕朱古力心太軟，杯Rose Latte 拉花圖案很美，睇得出咖啡師很用心，奶打得好滑，好幼，飲得出有焦糖味，甘中帶苦，而且更有微香玫瑰味，很清新的感覺。反而心太軟有少少失望, 無咩特別(可能响其他吃過更好味)，焗得耐左，入面唔太多流心，反而latte隔黎舊Brownie仲好味XD
整體黎講，在環境氣氛和食物味道方面，絕對物有所值。還有一點我會選caffè HABITŪ the table 的原因係，離添馬艦公園很近，食完仲可以散下步，係海旁影下相
題外話：因為星期五晚餐廳好少客，鋪面得2個waiter，但服務質素好好，不論上菜，甚至放餐具，都好細心
Post
