小城鎮 (Closed)

星期五晚同朋友食晚餐，行過望入Little Town, 覺得佢裝修幾舒服就揀咗佢。入座後，見到牆上既一排鐘，全部唔同時間，幾特別。我和朋友一共點了5個dish.首先點了 Soup of the Day, 係南瓜湯。南瓜味幾甜。有跟一片多士，很脆，搽牛油同點湯食一流。Salad 就揀咗蟹柳粟米蛋陪自家沙律醬。 每一啖都食到蟹柳。 沙律醬幾特別，甜甜的, 有的似果汁醬。Appetizers點了小城鎮炸雞翼同煙三文魚牛油果沙沙多士。雞翼炸得個皮幾脆，肉都好juicy, 唔會好鹹。雖然 無跟醬汁，但本身味道夠的。三文魚多士有很多三文魚，同個牛油果醬好夾。 多士食到最後都仲係脆既。Main course 就揀咗10 oz安格斯肉眼扒配薯條黑椒汁。嗌咗medium rare, 廚師煮得剛好。肉幾有咬口。黑椒汁都唔會太辣。 用嚟點薯條好食。最後，點了倆杯餐廳自己調嘅Hot Chocolate. 一杯Hazelnut Chocolate. 一杯Macadamia Chocolate. 拉咗個心心花。 幾靚。都好好飲。倆杯都有果仁嘅香又唔會太甜。