ZERO (Closed)

Assorted Starter Platter （$178）睇得又食得既摩天輪🎡小食拼盤，我係咁轉佢玩左成晚🙊 除左影相一流、味道都唔差！拼盤有墨西哥辣椒蜜糖雞翼、炸流心芝士、照燒汁芝士肉丸串燒、炸蝦丸、炸秋葵魷魚、烤土耳其麵包⋯炸物每樣都炸得香脆可口，最愛既係流心芝士肉丸🤤面頭染滿甜甜的照燒汁，內裏流心澎湃又唔漏，唔鐘意芝士既我都輕鬆清晒😍10.5吋自選pizza ($98起)好特別阿Pizza可以自選醬汁、芝士同配料。選擇非常多，例如茄醬、青醬同喇沙醬；海鮮(鰻魚、帶子、魚柳⋯）、蔬菜、肉類(辣肉腸、烤鴨⋯）。我就揀左青醬配Smoked Mozzarella、 蘑菇、烤鴨同辣肉腸。pizza邊脆同埋配料唔會每樣得幾粒好足料，不過食唔岀芝士有煙熏既味道亦冇拉絲既效果，而且青醬令pizza好油，建議大家揀其他醬汁。另外都有甜pizza ，8.5吋 $88起。可自由配搭各式雪糕、醬料及配料。油浸鴨絲乾蕃茄意粉 ($128)好足料配料份量好多，有大量鴨絲、蘑菇、蕃茄乾同parmesan cheese。意粉鹹香好惹味，不過過人認為味道濃左d。