Buddy's Kitchen (Closed)

唔係朋友带路，根本唔知火車站附近有間新餐廳！今晚晏咗食飯，所以去到嘅時候已經有啲餓！ 除咗個set dinner之外，仲叫多2個小食，"蕃茄芝士蒜蓉包"同"炒蘑菇"!先嚟個"炒蘑菇"，其實小食係炒蘑菇確係有D奇怪，不過呢個蘑菇因為用咗D牛油同蒜去炒，個感覺反而有D似BBQ，之後個"蕃茄芝士蒜蓉包" 芝士夠軟身，蕃茄亦新鮮，個底盤麵包亦都好鬆軟，唯一有意見嘅係可能個炒蘑菇蒜蓉味大凸出，令到我食到個包唔夠蒜香 之後今晚我叫咗個"西冷牛排set dinner", 送"鴨胸沙律"! 鴨胸沙律個汁酸酸甜甜，令到鴨胸冇咁膩，食完個感覺好清爽，好啱配我個main course牛排 ，之後到"西冷牛排"!火候控制得非常好，保留牛肉既鮮味，肉質有口感，不過唔會韌！脂肪及肉既比例係會入口即溶，香港小有餐廳做到！最後dessert, "cream brulee"上面既脆焦糖厚薄適中，不過本人比較鍾意帶小小焦咗既苦味，所以覺得焦糖可以更焦多D！不過，下面個燉蛋確係驚喜中既驚喜！香草既味道非常濃郁，燉蛋既細滑度更係一絶！唯一不足既係......數量有限，叫多ground 就要睇下各下既彩數喇！