Video
Read full review
2013-12-23
2223 views
早兩日放假,同米先生去左1間位於尖沙咀The One商場到食Lunch,The One商場一直俾我既感覺都係一個字.......好亂....升降機亂出入口亂咩都亂..所以如果我係尖沙咀食飯我都唔會點選擇係The One食...今次選擇依間Cafe，因為係食評網見到佢既評語都相當唔錯，而且聞說人唔會太多，於是就勇於一試！（重點）能夠最快直達該Cafe方法!彌敦道入口，上兩層，升降機大堂，最左手邊既升降機上８樓！如果一層一層上，大概要15分數不等,,因為The One有分UG1...LG....而且樓底亦頗高...........上到8樓，有間賣飾品(?)有趣物品(?)，既店隔離，成間店感覺好開陽，而且窗口陽光入黎，好舒服既感覺。因為當時都好多人食緊飯，唔想周圍影太多相影響其他食客…店入面有好多有趣既裝飾同圖，餐枱上既餐紙都好靚=pLunch Set有沙津/湯+主菜+咖啡/奶昔+甜品，依係選擇既主菜定價～～我同米先生分別揀湯及三文魚沙津，闊麵及螺絲粉，咖啡及奶昔～～因為我地當日去到都已經近2點，本身想試佢既扒都賣哂．．唯有下次！是日餐湯係蕃茄忌廉湯，米先生話好難想像蕃茄同忌廉可以做湯．．．
The One商場一直俾我既感覺都係一個字.......好亂....升降機亂出入口亂咩都亂..
所以如果我係尖沙咀食飯我都唔會點選擇係The One食...
今次選擇依間Cafe，因為係食評網見到佢既評語都相當唔錯，而且聞說人唔會太多，
於是就勇於一試！
（重點）能夠最快直達該Cafe方法!
彌敦道入口，上兩層，升降機大堂，最左手邊既升降機上８樓！
如果一層一層上，大概要15分數不等,,因為The One有分UG1...LG....而且樓底亦頗高...........
上到8樓，有間賣飾品(?)有趣物品(?)，既店隔離，成間店感覺好開陽，而且窗口陽光入黎，
好舒服既感覺。
因為當時都好多人食緊飯，唔想周圍影太多相影響其他食客…
店入面有好多有趣既裝飾同圖，餐枱上既餐紙都好靚=pLunch Set有沙津/湯+主菜+咖啡/奶昔+甜品，依係選擇既主菜定價～～
我同米先生分別揀湯及三文魚沙津，闊麵及螺絲粉，咖啡及奶昔～～
因為我地當日去到都已經近2點，本身想試佢既扒都賣哂．．唯有下次！
是日餐湯係蕃茄忌廉湯，米先生話好難想像蕃茄同忌廉可以做湯．．．～～
雖然我都有見過蕃茄忌廉湯既食譜，不過從來都未做過！睇黎可以試飲先做XD
飲品先上枱，米先生既Latte有一個心心既拉花,雖然對於咖啡拉花不嬲唔講究~但係當見到杯咁靚既咖啡心情都會變好~~米先生都讚杯Latte好飲,而我既香蕉芒果奶昔都好幼滑,好重蕉味加小許芒果酸甜~~
然後到沙津及湯，先試蕃茄忌廉湯，估計係用完個蕃茄攪拌加忌廉，入口比就咁蕃茄湯杰身，蕃茄蓉混和淡忌廉，幾特別既味道=p下次我又試下整先~~自製香草三文魚沙津~~沙津菜加自製香草三文魚,唔知佢既沙津醋係咪都係自製呢?比平時自己買黎撈沙津既醋淡身,不過就係因為佢淡先食到香草三文魚既香草味(我唔知係邊隻香草,,,所以只可以話係香草味T口T)同埋佢塊三文魚都好厚下架..唔係薄薄或者俾D碎你就算架-口-...真材實料~~
到主菜喇,米先生既 有機意大利螺絲粉.香脆芝士.風乾火腿.琥珀合桃 (個名好長XD)先上枱,一上枱就聞到好香既芝士味,因為佢面頭都有芝士係烘到脆脆既芝士,香到震~~~除左面頭芝士螺絲粉本身唔會太濃味,因為有超級鹹既風乾火腿陪佢XD不過一正一負就岩岩好喇...而且螺絲粉煮得岩岩好唔會過淋,有彈性!GOOD
至於米太太既 有機意大利闊麵 鮮廣島蠔 魚子醬 香檳牛油汁 ,賣相都好吸引,面頭係炸過既廣島蠔,好大隻啊@__@而且好脆!!不過我覺得腥左小小(個人唔特別鐘意食蠔~唔抗拒就是~~)魚子醬同蟹子伴碟,鹹鹹香香同蠔一樣都係就海水路線(姐係鹹...),香檳牛油汁,恕我唔太識得欣賞,雖然牛油味好香,不過整體就覺得膩左小小...至於我會最關心既就係麵既質地~好遺憾~~OVER COOK左小小,成碟闊麵一叉就爛,係淋到用叉到撩唔起既淋到,,連去PIZZA HUT都好小發生既事...令我有小小失望..整體依個闊麵我係覺得好食~不過希望下次佢個麵唔好咁淋啦><
甜品係聖誕Special，係朱古力既慕絲餅，朱古力味相當濃郁，mousse亦軟滑~~好食-v-整體黎講我幾喜歡依間Cafe,地方唔算太大，但坐得尚算舒服，傾計最岩，枱同枱之間唔算太密集，密度可以接受，見到有長枱及圓枱，６～８人黎食都坐得舒舒服服～The One既優勢~樓底高~唔會太困聲~多人起黎都唔會太吵鬧..食物方面除左我既闊麵其他都好滿意~暫時只試左Lunch~佢地個網頁都有show Tea Set,Dinner Set~~希望有機會再去試!相信唔會差=]
Post
