港 (Closed)

fusion「港」野*同男朋友食暈全港九*去灣仔食fusion「港」野，吾好咁悶，加上最近香港環境壓力都大，fusion新味道，為生活為晚餐增加喜悅。餐廳裝修都幾靚，有吧台，有細枱，岩摸下酒杯底，飲下酒傾下偈。我地簡單點了蔥油餅配黑蒜蛋黃醬，糖醋豬腩塊同’港‘式咸檸炸雞。蔥油餅配黑蒜蛋黃醬最先上緊當然係bread & dips醫下肚仔，蔥油餅用舊好似磚頭但有窿既。蔥油餅脆卜卜，另外點呢個自家制黑蒜蛋黃醬，個醬應該加左小小芥末，有蒜香又甜甜地又微微wasabi，幾得意。糖醋豬腩塊呢個店員過係其中一個招牌，係一個凍食既前菜，又似沙牛，佢係用豬腩肉包住蔬菜，青瓜，紅蘿蔔，伴碟有自家制既醬，清新得黎又不油膩，fresh。’港‘式咸檸炸雞呢個好味！佢個英文叫KONG Fried Chicken ‘KFC’，但一定比聯鎖店好食囉！炸雞件真·外脆，雞肉滑嫩多汁，係炸得好好，非千年油炸。個醬汁就係咸檸味，另外仲有檸檬俾你‘支’落炸雞件，有心機小店。港人撐‘港’。