哥哥添飯•妹妹泡茶

Open Now

Now Closed

今日係咁岩要去觀塘交貨，經過見到呢間餐廳，個名非常特別，上網一check就見到好多好評，於是就決定過黎食埋個晚餐！😬餐廳空間唔算大，但勝在地點方便，而且上菜速度算快，餐牌上的價錢亦十分合理。👍🏻〈無辣鹽酥脆炸雞配椰菜絲沙律及魯肉飯〉🐥🍗🥗🍚我最中意食鹽酥雞粒，但真係第一次食咁大隻既鹽酥雞，炸到好香脆，調味調到好好，好有台風街頭小食風味，雞肉亦都好嫩滑，配上魯肉飯，食到我同朋友停唔到口。〈岩鹽咸豬肉拼皮蛋醬生菜包配蒸刈包〉🐷🥓🥬🥯係menu上見到皮蛋醬已經心心眼，一上菜既時候已經見到個皮蛋醬好吸睛，份量亦唔少，再加上鹹豬肉十分惹味，肥瘦適中，而個刈包食落甜甜地，全部野加埋估唔到咁夾！〈混一色綜合手工芋圓〉🍠🥣薑味超濃，配上芋圓勁煙靭，配埋d紅豆，感覺唔會甜到漏。 〈芒芒甘露芋圓豆花配〉🥭🥣超香芒果味，食落好清甜，飯後甜品簡直一流，我見到好多外賣都有叫呢款甜品，睇黎係皇牌之選！〈黑枸杞檸檬胎菊〉🍋🌻🍵唔算太甜，飲落好清新，夏天飲落好消暑，正啊！〈水蜜桃果粒愛玉〉🍑🍹好多愛玉，口感超級豐富，推介！