泰贊- 創意泰餐廳 (Closed)

昨晚約了朋友去尖沙嘴食飯， 唔知道食咩好， 行下行下到了美麗華， 找到一間泰國菜， 結果就去試下。我們叫了椰青，幾清甜， 椰青肉又多。另外叫了一個馬拉盞通菜， 味道唔太辣， 好適合香港人口味。青咖喱豬配蒜蓉包，因為青咖喱嘅關係所以比較辣，但都幾好食， 蒜蓉包油夠晒香蒜味亦好足。泰色肉碎炒金邊粉（走花生）金邊粉好有口感亦唔會太油， 味道很好， 而且入面放了四季豆同燈籠椒， 令整個顏色好靚。最後飲了冬蔭功湯， 有幾隻大蝦同好多菇係裡面， 做得好足料，味道比較酸， 但唔算辣。每碟餸菜嘅份量都好足，食得好飽， 整體來講， 味道唔錯， 算係比較Fusion小小嘅泰國菜， 好迎合香港人口味， 而且員工好細心， 但我叫完冬蔭功湯同金邊粉後， 再叫馬拉盞炒通菜時， 個員工話這個都係辣嘅， 同我哋再三確認係咩要落單， 食完每道菜後都不停過來收碟， 走嘅時候很有禮貌同我哋講多謝同再見。