Mezze (Closed)

最近Sogo舉行緊thankful week，我同朋友當然要去血拼一番。Shopping完就緊係要食野補充返d體力，朋友係好鍾意希臘菜，所以見到尖沙咀有間地中海菜餐廳，就諗都唔洗諗決定食呢間。餐廳環境幽暗舒適，氣氛都幾浪漫。想chill d可以選擇坐係室外既地方。而我就揀左室内窗邊既座位，可以望下個街景色。Fattoush中東菜必食既沙律， 酸酸甜甜又帶點蒜辣。有沙律常見既蔬菜之外，仲有d一小塊烤焗過既麵包，y咬落脆脆地，令整個沙律無咁單調。Kofta羊肉餅處理得幾好，羊味非常重，但一d都唔膻，而且咬落係juicy，一d都唔乾。旁邊有個醬，但我個人覺得悟點反而仲正，食到Cannelloni將傳統意大利菜加入地中海菜既配料同法式既Crepe，食落似千層麵，但又無一般千層麵咁淋。上面鋪滿cheese，但d cheese一d都唔膩，食完成個dish都唔會有種好濟既感覺。總括而言，價錢方面我覺得合理，甚至叫平。咁既環境同服務單點食物都係百零蚊左右，而且食物質素都幾高。