瘋鳥 (Closed)

腐乳芝士免治豬肉意大利粉 $52·位於長沙環嘅瘋鳥🕊，終於來咗😊下午1點半，好彩都有位，唔駛話要等餐廳佈置簡單，但別有心思，電影書籍📓，電影海報🎬，外國雜誌📽，石屎牆，柔和燈光💡，節日時更有一大棵裝飾樹🌿🎅🏻Lunch set 有6個選擇，眼見最貴嘅唔過$60，一個set 仲包熱茶一壺，星期一至五6PM前埋單仲免收一，抵！好勇敢咁點咁推薦嘅腐乳芝士🧀免治豬肉🐷意大利粉🍝，佢地話好多人都話好食嫁🙈🍝意粉比期望中高，意粉佔咗好大比例，但～唔係淨係得意粉嫁，估唔到仲有紅椒同菇🍄🍴終於要食啦，好驚陣腐乳味同意粉唔係好夾，但原來又幾好食😂唔好諗到陣腐乳咪會好強烈，腐乳同芝士🧀融合埋一齊，互相中和之後，腐乳味相對就變到好溫和，所以唔會話好大陣味，食落就好似食緊啲比平時鹹啲啲同杰啲啲嘅芝士汁咁，我就覺得有啲搶咗啲芝士味🙈（🍎蘋果乾自己就好鍾意醬汁，所以我就覺得多啲汁就仲好😆）$52一個lunch set包一壺熱茶🍵，靜靜地坐又唔會比人催，我就收貨啦⋯唔知你地呢？