Video
Read full review
2018-04-30
1687 views
曾經睇過一篇文係踩到Fusion cuisine一文不值：作者認為fusion嘅廚師諗嘢雜亂無章，彷彿將唔同elements炒埋一碟大雜燴就係fusion, 不倫不類。所以作者主張將一樣傳統cuisine加一點異國風情，嚟一個小小嘅hidden twist, 就已經係一樣好新奇嘅嘢，係一個既有框架下進行創作，咁出品就相對較安全喇。睇完之後係非常不以為然嘅，作為一個fusion cuisine嘅支持者，創意就係呢個菜系嘅essence. 冇錯作者嘅主張係安全但同時好保守，亦limit左各種可能性。真正好食嘅fusion cuisine, 似乎係考驗廚師嘅創意之外，亦考驗廚師對各種不同食材嘅敏感度，廚師對於食材之間味感與質感嘅和諧，要非常熟悉。一堆風馬牛不相及嘅食材，搭配得宜，可以帶黎意想不到嘅衝擊。——好喇講左一大堆introduction，今次講呢間bread and beast, 就係fusion嘢~(1) 臘腸 Mac n cheese臘腸mac n cheese聽落好新奇，不過個人不太欣賞，一係佢個種臘腸嘅甜味溝芝士好怪，二係臘腸本來已經有鹹味，佢隻cheese又好鹹，所以dou
睇完之後係非常不以為然嘅，作為一個fusion cuisine嘅支持者，創意就係呢個菜系嘅essence. 冇錯作者嘅主張係安全但同時好保守，亦limit左各種可能性。真正好食嘅fusion cuisine, 似乎係考驗廚師嘅創意之外，亦考驗廚師對各種不同食材嘅敏感度，廚師對於食材之間味感與質感嘅和諧，要非常熟悉。一堆風馬牛不相及嘅食材，搭配得宜，可以帶黎意想不到嘅衝擊。
——
好喇講左一大堆introduction，今次講呢間bread and beast, 就係fusion嘢~
(1) 臘腸 Mac n cheese
臘腸mac n cheese聽落好新奇，不過個人不太欣賞，一係佢個種臘腸嘅甜味溝芝士好怪，二係臘腸本來已經有鹹味，佢隻cheese又好鹹，所以double鹹。加上通粉本身就太淋，所以基本上食唔哂。
(2) Lennon fries - 大阪燒汁、溫泉蛋
呢個就係貼堂作品，脆口薯條配酸酸甜甜又惹味嘅大阪燒汁令人一而再三的放入口，而本身大阪燒會搭配mayo, 佢就用同樣creamy嘅溫泉蛋代替，算係一個幾特別嘅twist.
(3) 叉燒豬頸治
慢煮豬頸肉燒得焦香，而且軟腍肥美，淋上帶蜜汁香氣嘅叉燒mayo，夾住炸蒜及酸漬芥蘭花，配上toast至脆身帶牛油香嘅麵包，都好正🤩
坐係呢啲開揚嘅bar枱位歎啡好chill! 不過有時會有垃圾係附近，比較多蚊蟲。
總結係，個人認為愛試新野又富有冒險精神嘅食家們，真係值得黎試試。跳出框框從來都唔係易事，會有失敗，係好需要勇氣，亦要對自己嘅眼光有自信。勇敢嘗試嘅人，從來都很吸引，或者你會係呢到搵到你嘅共鳴。
Post
