焰淑泰國餐廳 (Closed)

隨意找間餐廳晚餐-Imsook，座位鵝頸橋對面，廳個名一睇就知道係泰國餐廳，但室內裝潢沈實得黎又有氣魄，以灰色為主題色，又有幅feature wall，餐桌係雲石，配襯得宜。餐牌好大塊紙牌，好特別。有散叫到套餐都有得選擇。價錢又$80幾到二百幾蚊都有，窮食到豪食，任君選擇！大蝦蛋包炒金邊粉🌶($98)起初睇菜式名仲以為係蛋包飯d friend。點知蛋原來整成網狀型，包住金邊粉。師父刀功冇番咁上下都好難做。金邊粉配有蔥，榨菜等炒到香口，大蝦夠爽口！泰式小食拼盤($88)有串燒炸魚餅炸蝦餅，春卷意外多左半條🤤。春卷真係好好味，脆口又唔油膩，熱到又剛剛好👍🏻 炸魚餅好泰式風味。炸魚餅好彈牙。串燒有點燒過火，但點沙嗲醬就balance 味道，都接受到。炒芥蘭(蒜蓉、馬拉盞、咸魚仔）($78)芥蘭好新鮮，菜夠鑊氣，配料夠味道之餘又唔會咸，符合香港人提倡健康生活。