Video
Read full review
2022-01-03
1366 views
2021年嘅最後一日，約左幾個朋友仔出嚟食嘢歡聚～餐廳裝修以綠色為主調，恍如型格室內竹林花園。當初睇中嘅係佢個三層架下午茶☕️不過我哋6個人無理由食三set下午茶咁單調架嘛！所以我哋就叫咗四個set lunch+1 set delight afternoon tea set ~set lunch一個套餐包左餐湯+主菜+甜品+飲品，大概都係$100左右，+$10仲有沙律🥗性價比好高 ~香煎日本帶子黑醋田園沙律（跟餐+ $10）呢$10真係加得抵，日本帶子煎得剛剛好，爽口彈牙，配搭黑醋汁沙律🥗清爽開胃。烤大啡菇新鮮蕃茄韮菜花天使麵 $88素食之選，天使麵好掛汁，價錢都好抵食啊！香煎三文魚配南瓜薯蓉，泰露荀，蛋黃荷蘭汁 $108三文魚肉質鮮嫩，南瓜薯蓉呢個配菜好特別～蒜蓉芝士焗龍蝦配蕃茄野菌飲管粉 $118上面有半隻蒜蓉芝士龍蝦好吸睛～再加上飲管粉比較粗身有咬口，蕃茄醬汁都好惹味！香草蜜糖焗叉燒扒配新薯角，普羅旺斯燉菜粒，芥末汁 $168呢個強烈推薦，叉燒口感紮實，肥瘦適中，蜜汁夠入味，配菜都好食😋delight afternoon tea set for two $438至於最期待嘅下午茶
當初睇中嘅係佢個三層架下午茶☕️不過我哋6個人無理由食三set下午茶咁單調架嘛！所以我哋就叫咗四個set lunch+1 set delight afternoon tea set ~
set lunch一個套餐包左餐湯+主菜+甜品+飲品，大概都係$100左右，+$10仲有沙律🥗性價比好高 ~
香煎日本帶子黑醋田園沙律（跟餐+ $10）
呢$10真係加得抵，日本帶子煎得剛剛好，爽口彈牙，配搭黑醋汁沙律🥗清爽開胃。
烤大啡菇新鮮蕃茄韮菜花天使麵 $88
素食之選，天使麵好掛汁，價錢都好抵食啊！
香煎三文魚配南瓜薯蓉，泰露荀，蛋黃荷蘭汁 $108
三文魚肉質鮮嫩，南瓜薯蓉呢個配菜好特別～
蒜蓉芝士焗龍蝦配蕃茄野菌飲管粉 $118
上面有半隻蒜蓉芝士龍蝦好吸睛～再加上飲管粉比較粗身有咬口，蕃茄醬汁都好惹味！
香草蜜糖焗叉燒扒配新薯角，普羅旺斯燉菜粒，芥末汁 $168
呢個強烈推薦，叉燒口感紮實，肥瘦適中，蜜汁夠入味，配菜都好食😋
delight afternoon tea set for two $438
至於最期待嘅下午茶三層架set， 融合咗各國fusion多款鹹甜美點，口味非常特別！其中包括：
🔸巴馬火腿帶子露筍卷配多士
🔸蟹肉芒果莎莎酸日式油揚福袋
🔸叻沙蝦蝦粑粑
🔸咖哩雞肉瑪德蓮蛋糕
🔸蓉茄羅勒可麗露
🔸水果朱古力慕斯蛋糕
🔸烤棉花糖小萄撻
🔸伯爵阿華田奶凍撻
🔸香甜芋頭蓉配西米脆片
其中最印象深刻嘅就係叻沙蝦蝦粑粑，喇沙醬汁入面有蝦肉同埋其他海鮮，配搭米通香脆美味～甜嘅可麗露就食得多，蓉茄羅勒可麗露係鹹味嘅，亦都相當之特別！整體來講配搭非常之創新，味道亦都好唔錯～
✨飲品✨
仲有多款特飲可供選擇，全部啲名都好鬼馬🤣
養生。養身唔包養心 -養生熱花茶
人生總會遇上幾粒山楂-山楂荔枝梳打，酸酸甜甜又有汽！
青梅小姐妳桂姓-青梅青檸梳打，唔會太甜，味道清爽
菠多野薑啤 你話柯督茄-入面有菠蘿蘋果同埋薑啤，口味豐富特別。
Post
