Video
Read full review
2022-07-02
935 views
我係第1次黎呢間純素餐廳，所以開頭都揾咗一段時間。我哋由Aeon旁嘅lift 搭去9樓，去到9樓只見到健身中心嘅門口，我哋行入去問職員點去純素餐廳，職員比咗張卡板我哋，話跟住卡板上嘅地圖去行就到(其實D職員都唔太想理我哋)，我哋行到去往純素餐廳嘅出口時，發覺要門卡先可以開門，所以惟有打電話比餐廳，叫佢哋開門比我哋。總括黎講個人覺得比較容易行嘅路線係行外圍 (詳細嘅路線寫咗係最尾)。呢到嘅廚師發辦我會形容為悠蔬食版廚師發辦，無論前菜、湯品到甜品，食物嘅味道同款式都同悠蔬食好似，當然呢到嘅賣相會比較精緻，而且可以試到嘅款式比較多。呢到主要食套餐同廚師發辦，個人覺得廚師發辦比較有特色。套餐包括一份主菜+2份湯/小食/甜品/飲品，而廚師發辦就可以品嚐到12款菜式 (前菜、湯品、主菜、甜品)。我哋去當晚準備掛8號風球，好彩餐廳照常營業，當晚有唔少人光顧，當中不乏一家大細。餐廳內亦有少量素食產品可以買走，例如素凍肉同素食醬料。廚師發辦 (每位$388)前菜: 生機水克非爾 (自家製有汽益生菌飲品)生機香蕉合桃麵包 伴山茶油奇妙醬梅子苦瓜 拌鐵觀音啫喱香芒牛油果手卷益生菌飲品味道酸酸哋，似菠蘿汁。梅
呢到嘅廚師發辦我會形容為悠蔬食版廚師發辦，無論前菜、湯品到甜品，食物嘅味道同款式都同悠蔬食好似，當然呢到嘅賣相會比較精緻，而且可以試到嘅款式比較多。
呢到主要食套餐同廚師發辦，個人覺得廚師發辦比較有特色。套餐包括一份主菜+2份湯/小食/甜品/飲品，而廚師發辦就可以品嚐到12款菜式 (前菜、湯品、主菜、甜品)。我哋去當晚準備掛8號風球，好彩餐廳照常營業，當晚有唔少人光顧，當中不乏一家大細。餐廳內亦有少量素食產品可以買走，例如素凍肉同素食醬料。
廚師發辦 (每位$388)
前菜:
生機水克非爾 (自家製有汽益生菌飲品)
生機香蕉合桃麵包 伴山茶油奇妙醬
梅子苦瓜 拌鐵觀音啫喱
香芒牛油果手卷
生機水克非爾 (自家製有汽益生菌飲品)、梅子苦瓜 拌鐵觀音啫喱
12 views
0 likes
0 comments
益生菌飲品味道酸酸哋，似菠蘿汁。梅子苦瓜剛入口時味道似酸菜，之後苦瓜嘅甘味慢慢滲出。香蕉合桃麵包味道、口感同香蕉蛋糕一樣，底部仲食到1粒提子乾。香芒牛油果手卷表面放有素肉鬆，中間嘅苜蓿芽放咗沙律醬，所以唔使沾豉油都好夠味。
湯品:
椰菜花粟米南瓜薑湯 伴雪蓮子
椰菜花粟米南瓜薑湯 伴雪蓮子
11 views
0 likes
0 comments
主菜:
酥脆椰菜花 配蔬果藜麥他他
紅燒素獅子頭
南瓜子純素蒸蛋 伴素鵝肝醬
能量手炒生機油麥菜 (採用有機山茶油)
石斛花旗參黃耳猴頭菇燉湯 配牛蒡壽司卷
能量手炒生機油麥菜
9 views
0 likes
0 comments
紅燒獅子頭超好食，入面主要用咗豆腐同素肉，再加入甘荀粒、冬菇粒等配料，味道似老少平安，口感豐富，因為加入豆腐，所以獅子頭挺身得黎，唔會好似一般素肉球咁結實，比較容易入口。
紅燒素獅子頭
13 views
0 likes
0 comments
炸椰菜花係我嘅另一最愛，椰菜花入口似薯餅，椰菜花煮得夠淋，外皮脆口。炒油麥菜用咗薑蓉調味，並且帶有少少似醋嘅酸味。純素蒸蛋似食緊糊狀嘅食物，冇一般蒸蛋咁滑，整體味道比較濃，有紫菜嘅味道。
酥脆椰菜花 配蔬果藜麥他他
17 views
0 likes
0 comments
石斛花旗參黃耳猴頭菇燉湯、南瓜子純素蒸蛋 伴素鵝肝醬
9 views
0 likes
0 comments
甜品:
斑蘭椰香生機蛋糕
陳皮海底椰紅豆沙
斑蘭椰香生機蛋糕
27 views
0 likes
0 comments
因為我本身好鍾意食椰汁類嘅菜式，所以我幾欣賞斑蘭椰香蛋糕，口感似紐約芝士餅，有好香濃嘅斑蘭同椰汁味。
外圍路線: 由地鐵站C出口出發，向左轉，沿電車路行，到紅綠燈轉角位時，左轉往上山方向行大約1分鐘，就會見到類似酒店嘅建築物寫住康蘭居，推玻璃門入去直行會見到有lift，嗰部lift就可以直達純素餐廳門口，而唔使經過健身中心咁麻煩。
Post
