素年 (黃埔天地百寶坊)

Open Now

Now Closed

食得太多肉類， 間唔時都想清啲食下齋。 聽朋友講紅磡有間fusion嘅素食店， 日式西式韓式都有啲， 當然要去會一會佢。 餐廳裝修都幾配合素食主題， 走清雅文青風， 坐落都幾舒適， 門口仲有幾個位可以坐喺出面嘆咖啡， 再加上門口外有一大堆草叢， 好似暫時走出煩囂嘅感覺👍 日式咖哩吉列豬扒定食素食咖哩嚟講都算好好味，本來擔心咖哩會太淡身，但係超濃郁嘅咖哩， 同平時食開嗰啲豬肉咖哩根本就冇比下去， 吉列素豬扒口感就好似免治豬肉一樣， 出奇地好味， 而且炸得 外脆， 內裏軟滑多汁。 牛肝菌大啡菇煎素蛋芝士漢堡大啡菇好juicy， 好大件成嚿牛扒咁🤭， 再配上牛肝菌， 增添香氣， 再加上芝士蔬菜和醬汁， 完美感融合係一起。 再附上大量蕃薯薯條， 炸得香脆又甜， 飽足感十足又唔驚肥， 啱曬我哋呢啲貪靚又愛美嘅女仕。素年素食餐廳絕對係一個好值得推薦嘅餐廳， 好適合想食齋但係又嫌棄中式齋食到悶嘅朋友， 原來食齋都可以好西式好fusion。