Video
Read full review
2021-10-06
123 views
新派韓式pizza店體驗平時去開西餐廳食pizza就多，喺荃新天地入面有間新派韓式主題既餐廳，每次見過都會排好長嘅人龍，建議想試嘅人一定要訂位！今日好彩大概放工時間好快有兩人位。呢度嘅菜單原來西式類比較多，但好多都結合左韓式嘅元素，未叫野食之前揀咗都一陣🙈 啤酒選擇方面居然有唔同類別既手工啤，唔係講笑，呢度真係有 Happy Hour嘅價錢，平均一杯$5x幾蚊，平過平時出邊，呢個驚喜對於ipa lover既我係加晒分，仲有其他cocktail既選擇，鍾意飲酒又想嘆美食嘅朋友唔可以錯過！1. 炸軟殼蟹先叫左一d小食，本身想試網友推介嘅韓番蟹肉芝士波，居然賣哂🙈 軟殼蟹同平時出邊食嘅差唔多，但係呢度嘅炸醬比較薄，蟹身亦都好大隻，送酒一流。2.帶子泡菜卡邦尼呢道卡邦尼係成餐嘅精髓，好耐冇食過咁好食嘅卡邦尼！雖然佢唔會做到好似正宗既手工意粉咁硬身，但呢度坐係最出色嘅係十分掛汁，依家加上泡菜既元素令到呢個意粉層次提升，呢個配搭可以減少本身卡幫你嘅油膩感，好有驚喜，必點！3. 蜂蜜牛油秘製炸雞期待已久，因為已經冇食過韓式炸雞，呢度有一個特別嘅口味係蜂蜜牛油，送啤酒係一流，炸雞一共有六件，每一隻都好
平時去開西餐廳食pizza就多，喺荃新天地入面有間新派韓式主題既餐廳，每次見過都會排好長嘅人龍，建議想試嘅人一定要訂位！
今日好彩大概放工時間好快有兩人位。呢度嘅菜單原來西式類比較多，但好多都結合左韓式嘅元素，未叫野食之前揀咗都一陣🙈
啤酒選擇方面居然有唔同類別既手工啤，唔係講笑，呢度真係有 Happy Hour嘅價錢，平均一杯$5x幾蚊，平過平時出邊，呢個驚喜對於ipa lover既我係加晒分，仲有其他cocktail既選擇，鍾意飲酒又想嘆美食嘅朋友唔可以錯過！
1. 炸軟殼蟹
先叫左一d小食，本身想試網友推介嘅韓番蟹肉芝士波，居然賣哂🙈 軟殼蟹同平時出邊食嘅差唔多，但係呢度嘅炸醬比較薄，蟹身亦都好大隻，送酒一流。
2.帶子泡菜卡邦尼
呢道卡邦尼係成餐嘅精髓，好耐冇食過咁好食嘅卡邦尼！雖然佢唔會做到好似正宗既手工意粉咁硬身，但呢度坐係最出色嘅係十分掛汁，依家加上泡菜既元素令到呢個意粉層次提升，呢個配搭可以減少本身卡幫你嘅油膩感，好有驚喜，必點！
3. 蜂蜜牛油秘製炸雞
期待已久，因為已經冇食過韓式炸雞，呢度有一個特別嘅口味係蜂蜜牛油，送啤酒係一流，炸雞一共有六件，每一隻都好Juice同埋充滿蜂蜜同埋牛油嘅味道，估唔到連炸雞都做得咁精彩，個人認為好食過既炸雞好多🤣
4. Pizza
叫左"群蟹派對"，好貪心地左加左金芝邊，上到檯都覺得真係幾大塊。雖然睇落去好厚，但薄餅造得好鬆軟，每一啖都充滿芝士香同埋蟹肉嘅香味，蟹肉亦食得出唔係低質貨，真係蟹肉，食咗兩件就好快飽😆
荃灣銅鑼灣都有分店，大家都可以黎試下🌝
Post
